രണ്ടര മാസം പ്രായമുള്ള കുഞ്ഞിനെ തനിച്ചാക്കി മാതാവ് യാത്രയായി; മരണം കരള്‍ രോഗത്തെ തുടര്‍ന്ന്

By Web Desk - MainMay 24, 2018, 14:57 IST

പെര്‍ള: (www.kasargodvartha.com 24.05.2018) രണ്ടര മാസം പ്രായമുള്ള കുഞ്ഞിനെ തനിച്ചാക്കി മാതാവ് യാത്രയായി. വാണിനഗര്‍ അജക്കളമൂലയിലെ സോഫ്റ്റ് വെയര്‍ എഞ്ചിനീയര്‍ ജയപ്രകാശിന്റെ ഭാര്യ പ്രജ്ഞ (32)യാണ് കരള്‍ രോഗം ബാധിച്ച് മരിച്ചത്. അസുഖം ബാധിച്ചതിനെ തുടര്‍ന്ന് മംഗളൂരുവിലെ ആശുപത്രിയില്‍ 20 ദിവസമായി ചികിത്സയിലായിരുന്നു.

ഉഡുപ്പി കിണിഗോളിയിലെ ഗോപാലകൃഷ്ണഭട്ട്- രാധ ദമ്പതികളുടെ മകളാണ്. ഏക സഹോദരി ശ്രുതി. മൃതദേഹം അജക്കളയിലെ വീട്ടുവളപ്പില്‍ സംസ്‌ക്കരിച്ചു. രണ്ടരമാസം പ്രായമുള്ള ദിവ്യ ഏക മകളാണ്.