നടന്നുപോവുകയായിരുന്ന വയോധിക കിണറ്റില്‍ വീണ് മരിച്ചു

By Web Desk - MainSep 4, 2019, 11:14 IST

കുണ്ടംകുഴി: (www.kasargodvartha.com 04.09.2019) നടന്നുപോവുകയായിരുന്ന വയോധിക കിണറ്റില്‍ വീണ് മരിച്ചു. ബീംബുങ്കാലിലെ പരേതനായ കണ്ണന്റെ ഭാര്യ സി നാരായണി (75) ആണ് മരിച്ചത്. ചൊവ്വാഴ്ച വൈകിട്ടാണ് സംഭവം. വീട്ടില്‍ നിന്നുമിറങ്ങി പറമ്പില്‍കൂടി നടന്നുപോവുമ്പോള്‍ വീടിനു സമീപത്തെ ഇടിഞ്ഞുപൊളിഞ്ഞ കിണറ്റില്‍ അബദ്ധത്തില്‍ വീഴുകയായിരുന്നു. ഉടന്‍ തന്നെ വീട്ടുകാരും പരിസരവാസികളും ഫയര്‍ഫോഴ്‌സിനെ വിവരമറിയിച്ചു. ഫയര്‍ഫോഴ്‌സെത്തി പുറത്തെടുത്തെങ്കിലും അപ്പോഴേക്കും മരണപ്പെട്ടിരുന്നു.

മക്കള്‍: ബേബി, മോഹനന്‍, സരോജിനി, അനിത. മരുമക്കള്‍; ബാലന്‍, പ്രീത, ജയന്‍, പരേതനായ ചന്ദ്രശേഖരന്‍. സഹോദരങ്ങള്‍: ലക്ഷ്മി, രാഘവന്‍, ഭാസ്‌കരന്‍, ലീല, രവി. മൃതദേഹം പോസ്റ്റുമോര്‍ട്ടത്തിനായി ജനറല്‍ ആശുപത്രി മോര്‍ച്ചറിയിലേക്ക് മാറ്റി.