പ്രസവത്തെത്തുടര്‍ന്ന് യുവതി മരിച്ചു

By Web Desk - MainJul 16, 2019, 11:27 IST

രാജപുരം: (www.kasargodvartha.com 16.07.2019) പ്രസവത്തെത്തുടര്‍ന്ന് അമിതരക്തസ്രാവമുണ്ടായ യുവതി മരണപ്പെട്ടു. കോളിച്ചാല്‍ വെള്ളങ്കല്ലിലെ രതീഷിന്റെ ഭാര്യ രമ്യ (24) യാണ് മരിച്ചത്. കാഞ്ഞങ്ങാട്ടെ സ്വകാര്യ ആശുപത്രിയില്‍ കഴിഞ്ഞ ദിവസം വൈകുന്നേരമാണ് സംഭവം. കന്നിപ്രസവത്തില്‍ ആണ്‍കുഞ്ഞിനാണ് ജന്മം നല്‍കിയത്.

കുഞ്ഞ് പൂര്‍ണ്ണ ആരോഗ്യവാനാണ്. പാണത്തൂര്‍ ചെളപ്പങ്കയത്തെ പരേതനായ രാഘവന്‍- ചന്ദ്രാവതി ദമ്പതികളുടെ മകളാണ് രമ്യ. ഏക സഹോദരി രേവതി.