അസുഖത്തെ തുടർന്ന് ചികിത്സയിലായിരുന്ന താലൂക്ക് ഓഫീസ് ജൂനിയർ സൂപ്രണ്ട് എ പവിത്രൻ നിര്യാതനായി

കാഞ്ഞങ്ങാട്: (KasargodVartha) വെള്ളരിക്കുണ്ട് താലൂക്ക് ഓഫീസിലെ ജൂനിയർ സൂപ്രണ്ടായി പ്രവർത്തിച്ചിരുന്ന എ. പവിത്രൻ (55) നിര്യാതനായി. പടന്നക്കാട് തീര്‍ത്ഥങ്കര എൻകെബിഎം ഹൗസിങ് കോളനിയിൽ താമസിക്കുന്ന മാവുങ്കാൽ സ്വദേശിയാണ്. അസുഖത്തെ തുടർന്ന് പരിയാരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ വ്യാഴാഴ്ച (22.01.2026) പുലർച്ചെയാണ് മരണം സംഭവിച്ചത്.

അഹമ്മദാബാദ് വിമാനാപകടത്തിൽ മരിച്ച മലയാളി നഴ്സ് രഞ്ജിത ജി. നായരെ സമൂഹമാധ്യമത്തിലൂടെ അധിക്ഷേപിച്ച് വിവാദ ഫേസ്ബുക്ക് പോസ്റ്റിട്ടതിനെ തുടർന്ന് ഇദ്ദേഹത്തിനെതിരെ നടപടിയെടുത്തിരുന്നു. ഇതേത്തുടർന്ന് കഴിഞ്ഞ വർഷം ജൂൺ മുതൽ പവിത്രൻ സർവീസിൽ നിന്ന് സസ്പെൻഷനിലായിരുന്നു. സസ്പെൻഷൻ കാലാവധി കഴിഞ്ഞിരുന്നുവെങ്കിലും അസുഖം കാരണം തിരികെ ജോലിയിൽ ഹാജരാകാൻ സാധിച്ചിരുന്നില്ല. സംസ്ക്കാരം വൈകുന്നേരം നാല് മണിക്ക് നടക്കും. 

പരേതനായ കുഞ്ഞിരാമന്റെയും യശോദയുടെയും മകനാണ്. ഭാര്യ: ധന്യ. മക്കൾ: നന്ദകിഷോർ (കണ്ണൂർ എഞ്ചിനീയറിംഗ് കോളേജ് വിദ്യാർത്ഥി), റിഷിക (പത്താംതരം വിദ്യാർത്ഥിനി, ലിറ്റിൽഫ്ളവർ ഗേൾസ് ഹയർസെക്കണ്ടറി സ്കൂൾ കാഞ്ഞങ്ങാട്).

സഹോദരങ്ങൾ: എ. ശശികുമാർ, ബാലചന്ദ്രൻ, മോഹനൻ, ഉദയഭാനു, പത്മിനി. 

വെള്ളരിക്കുണ്ട് താലൂക്ക് ഓഫീസ് സൂപ്രണ്ടിന്റെ വിയോഗത്തിൽ ആദരാഞ്ജലികൾ അർപ്പിക്കാം.

Article Summary: A. Pavithran (55), Junior Superintendent at Vellarikundu Taluk Office, passed away while undergoing treatment at Pariyaram Medical College Hospital. He was a native of Mavungal, Kanhangad.

#Kanhangad #Vellarikundu #Obituary #KeralaNews #Kasargod #RevenueDepartment