ഐടിഐ വിദ്യാർത്ഥിയെ ക്വാർട്ടേഴ്സിൽ മരിച്ച നിലയിൽ കണ്ടെത്തി; സംഭവം ഉപ്പളയിൽ

ഉപ്പള: (KasargodVartha) ഐടിഐ വിദ്യാർത്ഥിയെ വാടക ക്വാർട്ടേഴ്സിൽ തൂങ്ങി മരിച്ച നിലയിൽ കണ്ടെത്തി. നയബസാർ ചെറുഗോളിയിലെ വാടക ക്വാർട്ടേഴ്‌സിൽ താമസിക്കുന്ന മുഹമ്മദ് ബാഷ–നഫീസ ദമ്പതികളുടെ മകൻ അബ്ദുൽ ശിഹാബ് (19) ആണ് മരിച്ചത്. 

ബുധനാഴ്ച (10.12.2025) രാവിലെ വീട്ടുകാർ മുറിയിൽ നോക്കിയപ്പോഴാണ് ശിഹാബിനെ ജനാലയിൽ തൂങ്ങി നിൽക്കുന്ന നിലയിൽ കണ്ടെത്തിയതെന്ന് പോലീസ് അറിയിച്ചു. കാസർകോട്ടെ ഐടിഐയിൽ വിദ്യാർത്ഥിയായിരുന്നു. സംഭവമറിഞ്ഞ ഉടൻ തന്നെ സ്ഥലത്തെത്തിയ കുമ്പള പോലീസ് ഇൻക്വസ്റ്റ് നടപടികൾ പൂർത്തിയാക്കി.

പോലീസ് അന്വേഷണം തുടരുന്നു

ശിഹാബിന്റെ മരണത്തിന്റെ കൃത്യമായ കാരണങ്ങൾ ഇതുവരെ വ്യക്തമല്ലെന്ന് പോലീസ് അറിയിച്ചു. ഇൻക്വസ്റ്റ് നടപടികൾക്ക് ശേഷം മൃതദേഹം മംഗല്‍പാടി താലൂക്ക് ആശുപത്രിയിലേക്ക് മാറ്റി. നിലവിൽ അന്വേഷണം ഊർജിതമായി തുടരുകയാണെന്ന് കുമ്പള പോലീസ് വ്യക്തമാക്കി. 

മൂന്ന് ദിവസത്തിനിടെ രണ്ടാമത്തെ സംഭവം

അതേസമയം,  മൂന്ന് ദിവസത്തിനിടെ കുമ്പള പോലീസ് സ്റ്റേഷൻ പരിധിയിൽ റിപ്പോർട്ട് ചെയ്യപ്പെടുന്ന രണ്ടാമത്തെ വിദ്യാർത്ഥി മരണമാണിത്. ഇതിന് മുമ്പ് കുമ്പള മഠത്തിന് സമീപത്തെ 21 കാരനായ ഒരു കോളേജ് വിദ്യാർത്ഥിയെയും മരിച്ച നിലയിൽ കണ്ടെത്തിയിരുന്നു.

ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല, മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുള്ളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ ഹെൽപ് ലൈൻ നമ്പർ: 1056, 0471-2552056

കൗമാരക്കാരുടെ പ്രശ്നങ്ങൾ പരിഹരിക്കാൻ എന്തു ചെയ്യണം? നിങ്ങളുടെ നിർദേശങ്ങൾ കമൻ്റ് ചെയ്യുക.

Article Summary: ITI student found dead by hanging in Uppala, second death in 3 days.

#Uppala #ITIStudent #FoundDead #KumbalaPolice #KasaragodNews #YouthDeath