അജ്ഞാത യുവാവ് തീവണ്ടിയില്‍ നിന്നും തെറിച്ചുവീണ് മരിച്ച നിലയില്‍

By Webdesk ViJan 13, 2012, 10:25 IST

അജ്ഞാത യുവാവ് തീവണ്ടിയില്‍ നിന്നും തെറിച്ചുവീണ് മരിച്ച നിലയില്‍

കാസര്‍കോട്: അജ്ഞാത യുവാവിനെ തീവണ്ടിയില്‍ നിന്നും തെറിച്ചുവീണ് മരിച്ച നിലയില്‍ കണ്ടെത്തി. 30 വയസ് പ്രായം തോന്നിക്കുന്ന യുവാവിന്റെ മൃതദേഹമാണ് തളങ്കര ദീനാര്‍ നഗര്‍ മുസ്ലീം ഹൈസ്‌കൂളിന് സമീപം റെയില്‍വേ ട്രാക്കില്‍ മരിച്ച നിലയില്‍ കണ്ടെത്തിയത്. നീല ജീന്‍സ് പാന്റും, വെളുത്തവരയുള്ള ഫുള്‍കൈഷര്‍ട്ടുമാണ് വേഷം.

വികെസിയുടെ പുതിയ ചെരിപ്പും മൃതദേഹത്തിലുണ്ട്. പോക്കറ്റില്‍ നിന്നും ലഭിച്ച പേഴ്‌സില്‍ 5200 രൂപയോളമുണ്ട്. കയ്യില്‍ വാച്ച് ധരിച്ചിട്ടുണ്ട്. മുഖത്താണ് ഗുരുതരമായി പരിക്കേറ്റത്. വ്യാഴാഴ്ച രാത്രി കടന്നുപോയ ഏതെങ്കിലും തീവണ്ടിയില്‍ നിന്നും വീണതാകാനാണ് സാധ്യതയെന്ന് പോലീസ് പറഞ്ഞു. കാസര്‍കോട് ടൗണ്‍പോലീസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തിയ ശേഷം കാഞ്ഞങ്ങാട് ജില്ലാ ആശുപത്രിയിലേക്ക് പോസ്റ്റ് മോര്‍ട്ടത്തിനയച്ചു.