തൃക്കരിപ്പൂരിൽ ട്രെയിൻ തട്ടി അജ്ഞാതൻ മരിച്ചു; വിവരങ്ങൾ പുറത്തുവിട്ട് പൊലീസ്

കാസർകോട്: (KasargodVartha) നോർത്ത് തൃക്കരിപ്പൂർ വില്ലേജിൽ തൃക്കരിപ്പൂർ വെള്ളാപ്പ് റോഡ് റെയിൽവേ ഗേറ്റിന് പടിഞ്ഞാറ് വശത്തുള്ള റെയിൽവേ ട്രാക്കിൽ ട്രെയിൻ തട്ടി അജ്ഞാതൻ മരിച്ചു. 2026 ആഗസ്റ്റ് 25 ചൊവ്വാഴ്ച രാവിലെ 10.50-ഓടെയാണ് സംഭവം. മരിച്ചയാളെ ഇതുവരെ തിരിച്ചറിയാൻ സാധിച്ചിട്ടില്ല.

പൊലീസ് അന്വേഷണവും വിവരങ്ങളും

ഏകദേശം 35 മുതൽ 45 വയസ്സ് വരെ പ്രായം തോന്നിക്കുന്ന വ്യക്തിയാണ് മരിച്ചത്. ഇരുണ്ട നിറമുള്ള ഇദ്ദേഹത്തിന് കറുത്ത മുടിയും താടിയുമുണ്ട്. നീലയും ചാരനിറവും കലർന്ന കള്ളി ഷർട്ടാണ് ധരിച്ചിരിക്കുന്നത്. ശരീരത്തിൽ കൂടുതൽ രോമവളർച്ചയുള്ള പ്രകൃതമാണ്. സംഭവത്തിൽ ചന്തേര പൊലീസ് സ്റ്റേഷനിൽ സബ് ഇൻസ്പെക്ടർ ക്രൈം നമ്പർ 474/2025 യുഎസ് 194 ബിഎൻഎസ്എസ് (Crime No. 474/2025 U/s 194 BNSS) പ്രകാരം കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

പത്ര-ദൃശ്യ-ശ്രവ്യ മാധ്യമങ്ങളിലൂടെ ഫോട്ടോ സഹിതം വിവരങ്ങൾ പ്രസിദ്ധീകരിച്ച് മരിച്ചയാളെ കണ്ടെത്താനാണ് പൊലീസിന്റെ ശ്രമം. മരിച്ചയാളെക്കുറിച്ച് എന്തെങ്കിലും വിവരം ലഭിക്കുന്നവർ ചന്തേര പൊലീസ് സ്റ്റേഷനുമായി ബന്ധപ്പെടണമെന്ന് അധികൃതർ അഭ്യർത്ഥിച്ചു. ഫോൺ: 9497947262 

ചിതം ഒഴിവാക്കുന്നു

മരിച്ചയാളെ തിരിച്ചറിയാൻ സഹായിക്കുന്നതിനായി പൊലീസ് ഫോട്ടോ നൽകിയിട്ടുണ്ടെങ്കിലും, ചിത്രത്തിന്റെ സ്വഭാവം കണക്കിലെടുത്ത് ഡിജിറ്റൽ പൊതു ഇടത്തിൽ വാർത്തയോടൊപ്പം പ്രസിദ്ധീകരിക്കുന്നതിന് പരിമിതികളുണ്ട്. അത് കൊണ്ട് തന്നെ ഈ ഫോട്ടോ കാസർകോട് വാർത്ത ഒഴിവാക്കുന്നു. 

ഈ വാർത്ത നിങ്ങളുടെ സുഹൃത്തുക്കൾക്കും പങ്കുവെക്കുക. മരിച്ച ആളെ തിരിച്ചറിയാൻ സഹായകമാകട്ടെ.

Article Summary: Unidentified man dies in Thrikaripur train accident; police launch probe.

#KasargodVartha #Thrikaripur #UnidentifiedBody #ChanderaPolice #TrainAccident #KeralaPolice #AishuNews