Obituary | അപ്രതീക്ഷിത വിയോഗം; ദുബൈയിൽ മരിച്ച റിഷാലിന് കണ്ണീരോടെ വിട; മൃതദേഹം നാടിലെത്തിച്ച് ഖബറടക്കി
● പനി ബാധിച്ച് ചികിത്സയിലിരിക്കെ വ്യാഴാഴ്ചയായിരുന്നു അന്ത്യം.
● ദുബായ് കെഎംസിസിയുടെ നേതൃത്വത്തിലാണ് മൃതദേഹം നാട്ടിലെത്തിച്ചത്.
● റിഷാലിൻ്റെ ആകസ്മിക വിയോഗം പ്രവാസി സമൂഹത്തിലും നാട്ടിലും ദുഃഖത്തിന് കാരണമായി.
കാസർകോട്: (KasargodVartha) ദുബൈയിൽ പനി ബാധിച്ച് ചികിത്സയിലിരിക്കെ വയാഴാഴ്ച മരിച്ച എരിയാൽ ചൗക്കി ബ്ലാക്കോഡ് സ്വദേശി എസ് അഹ്മദ് റിഷാലി (25) ൻ്റെ മൃതദേഹം നാട്ടിലെത്തിച്ച് വൻ ജനാവലിയിൽ ഖബറടക്കി.
കറാമ അൽ അത്താർ സെൻ്ററിലെ ഒരു കടയിൽ ജീവനക്കാരനായിരുന്ന റിഷാലിന് വ്യാഴാഴ്ച രാവിലെ പനി ബാധിച്ചിരുന്നു. തുടർന്ന് ഉച്ചയോടെ റാഷിദ് ഹോസ്പിറ്റലിൽ പ്രവേശിപ്പിച്ചെങ്കിലും വൈകുന്നേരത്തോടെ മരണം സംഭവിക്കുകയായിരുന്നു. നാല് വർഷമായി യുഎഇയിൽ ജോലി ചെയ്തുവരികയായിരുന്ന റിഷാൽ, നാട്ടിലേക്ക് വരാനുള്ള തയ്യാറെടുപ്പുകൾ നടത്തുന്നതിനിടെയാണ് ഈ അപ്രതീക്ഷിതമായ വിയോഗം സംഭവിച്ചത്.
റിഷാലിൻ്റെ മരണം ദുബൈയിലെയും നാട്ടിലെയും സുഹൃത്തുക്കളെയും ബന്ധുക്കളെയും ദുഃഖത്തിലാഴ്ത്തി. ചൗക്കി ബ്ലാർക്കോഡിലെ ഇലക്ട്രീഷ്യൻ ഇ.മുഹമ്മദ് ഷാഫി-ഫസീല ദമ്പതികളുടെ മകനാണ് റിഷാൽ. അവിവാഹിതനായ റിഷാലിന് ഒരു സഹോദരനും (റിഫാദ്) ഒരു സഹോദരിയും (റിശാന) ഉണ്ട്.
ദുബൈ കെ.എം.സി.സി കാസർകോട് മണ്ഡലം കമ്മിറ്റിയുടെ നേതൃത്വത്തിൽ മൃതദേഹം നാട്ടിലേക്ക് കൊണ്ടുവരാനുള്ള നടപടിക്രമങ്ങൾ പൂർത്തിയാക്കി. എയർ ഇന്ത്യ എക്സ്പ്രസ് വിമാനത്തിൽ മൃതദേഹം ശനിയാഴ്ച (ഏപ്രിൽ 5, 2025) പുലർച്ചെ മംഗലാപുരത്ത് എത്തിച്ചു. തുടർന്ന് രാവിലെ എട്ട് മണിയോടെ വീട്ടിൽ കൊണ്ടുവന്നു പൊതുദർശനത്തിന് ശേഷം ഒൻപത് മണിയോടെ കാസർഗോഡ് ഏരിയാൽ ജുമാ മസ്ജിദ് ഖബർസ്ഥാനിൽ റിഷാലിൻ്റെ ഖബറടക്കം നടന്നു. യുവാവിൻ്റെ ആകസ്മിക വിയോഗം പ്രവാസി സമൂഹത്തിലും നാട്ടിലും വലിയ ദുഃഖത്തിന് കാരണമായി.
The mortal remains of S. Ahmad Rishal (25), a native of Eriyal Chowki Blackode, Kasaragod, who passed away in Dubai due to fever, were brought back home and buried amidst a large gathering. Rishal, who worked in Karama, Dubai, was preparing to return home after four years of employment in the UAE when his sudden demise occurred, leaving friends and family in deep sorrow.
#Kasaragod #Dubai #Obituary #Rishal #SuddenDemise #Repatriation
