ഉദിനൂർ കിനാത്തിൽ യുവാവ് വീട്ടിനുള്ളിൽ മരിച്ച നിലയിൽ; കേസെടുത്ത് പൊലീസ്

പടന്ന: (KasargodVartha) യുവാവിനെ വീട്ടിനുള്ളിൽ മരിച്ച നിലയിൽ കണ്ടെത്തി. ഉദിനൂർ കിനാത്തിലെ വല്ലയിൽ സുലോചനയുടെയും പിലിക്കോട് തെരുവിലെ പരേതനായ കെ വി മോഹനൻ്റെയും മകൻ സുനീഷ് വല്ലയിൽ (38) ആണ് മരിച്ചത്. കിനാത്തിൽ താമസിച്ചിരുന്ന വീട്ടിലെ മുകളിലത്തെ നിലയിലെ കിടപ്പുമുറിയിൽ ഫാനിൽ തൂങ്ങിയ നിലയിൽ കണ്ടെത്തുകയായിരുന്നു. ഞായറാഴ്ച (ഓഗസ്റ്റ് 16) രാത്രി 9.50-നും 10.15-നും ഇടയിലാണ് സംഭവം നടന്നതെന്നാണ് ചന്തേര പൊലീസ് രജിസ്റ്റർ ചെയ്ത എഫ്ഐആറിൽ പറയുന്നത്.

പൊലീസ് നടപടികൾ

തിങ്കളാഴ്ച രാവിലെ 7.40-നാണ് സംഭവത്തെക്കുറിച്ച് പൊലീസിന് വിവരം ലഭിച്ചത്. വല്ലയിൽ വീട്ടിൽ താമസിക്കുന്ന വി സാരത്ത് സ്റ്റേഷനിലെത്തി നൽകിയ വിവരത്തിൻ്റെ അടിസ്ഥാനത്തിലാണ് എഫ്ഐആർ രജിസ്റ്റർ ചെയ്തത്. തുടർന്ന് ചന്തേര പൊലീസ് സബ് ഇൻസ്പെക്ടർ കെ ദിനേശ് രാജൻ അന്വേഷണത്തിന് നേതൃത്വം നൽകി. സംഭവത്തിൽ ചന്തേര പൊലീസ് ബിഎൻഎസ്എസ് 194-ാം വകുപ്പ് പ്രകാരം അസ്വാഭാവിക മരണത്തിനാണ് കേസ് രജിസ്റ്റർ ചെയ്തിരിക്കുന്നത്.

കുടുംബ വിവരങ്ങളും സംസ്കാരവും

സുനീഷിൻ്റെ പിതാവ് പിലിക്കോട് തെരുവിലെ പരേതനായ കെ വി മോഹനനാണ്. മാതാവ് സുലോചന മുൻ പിലിക്കോട് ഗ്രാമപഞ്ചായത്തംഗമാണ്. കൊടക്കാട് വലിയപൊയിലിലെ രസ്നയാണ് ഭാര്യ. ഫിദൽ ഏക മകനാണ്. സൂരജ് വല്ലയിൽ സഹോദരനാണ്. 

പോസ്റ്റ്‌മോർട്ടത്തിന് ശേഷം തിങ്കളാഴ്ച ഉച്ചയ്ക്ക് 12.30 മുതൽ കിനാത്തിലെ വായനശാല പരിസരത്ത് മൃതദേഹം പൊതുദർശനത്തിന് വെയ്ക്കും. തുടർന്ന് ഉച്ചയ്ക്ക് ഒന്നിന് കിനാത്തിലെ വീട്ടിലെത്തിക്കും. പിലിക്കോട് തെരുവിലെ വീട്ടിൽ പൊതുദർശനത്തിന് ശേഷം ഉച്ചയ്ക്ക് രണ്ടോടെ മട്ടലായി സമുദായ ശ്മശാനത്തിൽ സംസ്കാരം നടക്കുമെന്ന് ബന്ധുക്കൾ അറിയിച്ചു.

ശ്രദ്ധിക്കുക: സ്വയം ജീവനെടുക്കുന്നത് ഒരു പരിഹാരമല്ല. മാനസിക സമ്മർദ്ദമോ നിരാശയോ അനുഭവപ്പെടുന്നവർ സഹായം തേടണം. ദിശ ഹെൽപ്പ്‌ലൈൻ: 1056 / 0471-2552056 ടെലിമാനസ്: 14416

പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: Suneesh Vallayil (38) was found dead in Udinur Kinathil; Chandera police registered a case under BNSS Section 194.

#KasargodVartha #PadannaNews #UdinurKinathil #ChanderaPolice #KeralaNews #MalayalamNews #LocalNews #AparnaNews