തെയ്യം കലാകാരൻ പാലായി കൃഷ്ണൻ പണിക്കർ പരപ്പേൻ നിര്യാതനായി

പരപ്പ: (www.kasargodvartha.com 08.07.2021) തെയ്യം കലാകാരൻ പാലായി കൃഷ്ണൻ പണിക്കർ പരപ്പേൻ (79) നിര്യാതനായി. കാഞ്ഞങ്ങാട്ടെ ആശുപത്രിയിൽ വെച്ചാണ് മരണം സംഭവിച്ചത്. അറുപത് വർഷത്തോളമായി ജില്ലയിലെ കാവുകളിലും പള്ളിയറകളിലും സജീവ സാന്നിധ്യമായിരുന്നു ഇദ്ദേഹം.

പരദേവതയായി വേഷമണിഞ്ഞ് ഭക്തർക്ക് അനുഗ്രാശിസുകൾ നൽകി ദശാബ്ദക്കാലം അദ്ദേഹം നിറഞ്ഞാടി. തെയ്യം അനുഷ്ഠാനത്തോടുള്ള അർപണവും സ്നേഹവും അദേഹത്തിൻ്റെ തെയ്യക്കോലങ്ങളിൽ തെളിഞ്ഞ് കണ്ടിരുന്നു. എടത്തോട് ചെരിപ്പാടിത്തറവാട്, പരപ്പ മുണ്ട്യക്കാവ്, ക്ലായിക്കോട് കൊട്ടാരം, ബളാൽ പള്ളിയറക്കാൽ, മലോം കൂലോം, ചുള്ളി വിഷ്ണുമൂർത്തി ക്ഷേത്രം, തുടങ്ങി ഒട്ടേറെ ദേവസ്ഥാനങ്ങളിൽ ഇദ്ദേഹം വിഷ്ണുമൂർത്തി, ചാമുണ്ഡി എന്നീ തെയ്യക്കോലങ്ങൾ കെട്ടിയാടിയിട്ടുണ്ട്.