സഹോദര ഭാര്യയുമായി സംസാരിച്ചുകൊണ്ടിരിക്കുന്നതിനിടെ യുവതി കുഴഞ്ഞുവീണു മരിച്ചു

By Web Desk SNNov 26, 2017, 10:39 IST

കാസര്‍കോട്: (www.kasargodvartha.com 26.11.2017) സഹോദര ഭാര്യയുമായി സംസാരിച്ചുകൊണ്ടിരിക്കുന്നതിനിടെ യുവതി കുഴഞ്ഞുവീണു മരണപ്പെട്ടു. തളങ്കര നുസ്രത്ത് റോഡിലെ പരേതനായ കോളിക്കര അബ്ദുല്‍ ഖാദറിന്റെയും അസ്മയുടെയും മകള്‍ ബീവി (25)യാണ് മരിച്ചത്. ശനിയാഴ്ച വൈകുന്നേരം വീട്ടില്‍ ചായ കുടിച്ച ശേഷം സഹോദര ഭാര്യയുമായി സംസാരിച്ചുകൊണ്ടിരിക്കുന്നതിനിടെ ബീവി കുഴഞ്ഞുവീഴുകയായിരുന്നു.

കുടുംബാംഗങ്ങളുടെ നിലവിളി കേട്ട് പരിസരവാസികള്‍ എത്തിയപ്പോഴേക്കും യുവതി മരണപ്പെട്ടിരുന്നു. അവിവാഹിതയാണ് ബീവി. സഹോദരങ്ങള്‍: അബ്ദുല്‍ സലാം, അഷ്‌റഫ്, സാഹിറ, നാസര്‍, മിസ് രിയ, നസീമ.