ഫുട്‌ബോള്‍ താരം തളങ്കരയിലെ ബദ്‌റുദ്ദീന്‍ നിര്യാതനായി

Badrudeen Poyyakara

തളങ്കര: മികച്ച ഫുട്‌ബോള്‍ താരം കാസര്‍കോട് റയില്‍വേ സ്റ്റഷന്‍ ഇസ്ലാമിയ റോഡിലെ പി.എസ് മുഹമ്മദ്-ആയിശ ദമ്പതികളുടെ മകന്‍ പൊയക്കര ബദ്‌റുദ്ദീന്‍ എന്ന ബാഉച്ച (56) നിര്യാതനായി. രണ്ടാഴ്ചയോളമായി അസുഖം ബാധിച്ച് കിടപ്പിലായിരുന്നു. റ്റാറ്റാ മുംബൈ ടീം അടക്കം നിരവധി സംസ്ഥാന-ദേശിയ ക്ലബ്ബുകള്‍ക്ക് വേണ്ടി കളിച്ചിരുന്നു. തളങ്കര നാഷണല്‍ സ്‌പോര്‍സ് ക്ലബ്ബ് അംഗമാണ്. ജീവിതം തന്നെ ഫുട്‌ബോളിന് വേണ്ടി ഒഴിച്ചുവെച്ച ബദ്‌റുദ്ദീന്‍ വിവിധ സ്ഥലങ്ങളില്‍ ഫുട്‌ബോള്‍ കോച്ചിംങ് നടത്തിവരികയായിരുന്നു.

സഹോദരങ്ങള്‍: നൗഷാദ്, നാസര്‍, അന്‍വര്‍ (മൂന്ന് പേരും കോഴിക്കോട് വ്യാപാരികള്‍). ബദ്‌റുദ്ദീന്റെ മരണത്തോടെ കാസര്‍കോടിന് മികച്ച ഒരു ഫുട്‌ബോള്‍ താരത്തെയാണ് നഷ്ടമായത്. ഖബറടക്കം ചൊവ്വാഴ്ച രാവിലെ 11 മണിക്ക് മാലിക് ദിനാര്‍ ജുമാ മസ്ജിദ് ഖബര്‍സ്ഥാനില്‍ നടക്കും. ഖബറടക്കത്തിന് ശേഷം തളങ്കരയില്‍ അനുശോചന യോഗം നടക്കും.

ഇബ്രാഹിം സുലൈമാന്‍ സേട്ട്, എന്‍.എ സുലൈമാന്‍ എന്നിവര്‍ക്കൊപ്പം ബദ്‌റുദ്ദീന്‍.