നിയന്ത്രണം വിട്ട കാർ വൈദ്യുതി പോസ്റ്റിലേക്ക് ഇടിച്ചുകയറി; വിദേശത്ത് നിന്നും വരുന്ന മകളെ കൂട്ടാൻ വിമാനത്താവളത്തിലേക്ക് പോകുന്നതിനിടെയുണ്ടായ അപകടത്തിൽ അധ്യാപിക മരിച്ചു

ഇടുക്കി: (KasargodVartha) വിമാനത്താവളത്തിൽനിന്ന് മകളെ കൂട്ടിക്കൊണ്ടു വരാൻ പോകുന്നതിനിടെ ഉണ്ടായ വാഹനാപകടത്തിൽ പരിക്കേറ്റു ചികിത്സയിലായിരുന്ന അധ്യാപിക മരിച്ചു. വെള്ളാരംകുന്ന് സെൻ്റ് മേരീസ് ഹൈസ്‌കൂൾ അധ്യാപികയായ കാഞ്ചിയാർ മുകളേൽ സെറീന സണ്ണി (53) ആണ് മരിച്ചത്.

2026 സെപ്റ്റംബർ 10 വ്യാഴാഴ്ച പുലർച്ചെ രണ്ടുമണിയോടെ കാലടിക്കു സമീപമായിരുന്നു അപകടം നടന്നത്. വിദേശത്ത് നിന്നുമെത്തുന്ന മകളെ സ്വീകരിക്കാൻ പോകുന്നതിനിടെയാണ് കുടുംബം അപകടത്തിൽപ്പെട്ടത്.

വൈദ്യുതി പോസ്റ്റിലേക്ക് വാഹനം ഇടിച്ചുകയറി

വിദേശത്തുനിന്നെത്തുന്ന മകളെ കൂട്ടിക്കൊണ്ടു വരാൻ ഭർത്താവിനും മകനുമൊപ്പം കൊച്ചി വിമാനത്താവളത്തിലേക്കു പോകുകയായിരുന്നു ഇവർ. ഇതിനിടെ ഇവർ സഞ്ചരിച്ചിരുന്ന കാർ നിയന്ത്രണം വിട്ട് വൈദ്യുതി പോസ്റ്റ‌ിലേക്ക് ഇടിച്ചുകയറുകയായിരുന്നു.

കാറിലുണ്ടായിരുന്ന മൂവർക്കും അപകടത്തിൽ പരിക്കേറ്റെങ്കിലും സെറീനയുടെ നില ഗുരുതരമായിരുന്നു. ആശുപത്രിയിൽ ചികിത്സയിലിരിക്കെ 2026 സെപ്റ്റംബർ 14 തിങ്കളാഴ്ചയാണ് സെറീന മരിച്ചത്.

സംസ്കാരം വൈകിട്ട് 3 മണിക്ക്

കുന്നുംഭാഗം സെൻ്റ് ജോസഫ്സ് സ്കൂ‌ൾ, കട്ടപ്പന ഓസാനം സ്‌കൂൾ, വള്ളക്കടവ് സെൻ്റ് ആൻ്റണീസ് സ്‌കൂൾ, ഉപ്പുതറ സെൻ്റ് ഫിലോമിനാസ് സ്‌കൂൾ, മ്ലാമല ഫാത്തിമ മാതാ സ്കൂൾ എന്നിവിടങ്ങളിലും സെറീന സേവനം ചെയ്‌തിട്ടുണ്ട്.

മരിയൻ കോളജ് കുട്ടിക്കാനത്തെ റിട്ടയേർഡ് സൂപ്രണ്ട് സണ്ണിയാണ് ഭർത്താവ്. മക്കൾ: സോന (ഷാർജ), സോണറ്റ് (സഹ്യാദ്രി ആയുർവേദ ഇൻസ്‌റ്റിറ്റ്യൂട്ട്, പീരുമേട്). 

സംസ്ക‌ാരം 2026 സെപ്റ്റംബർ 15 ചൊവ്വാഴ്ച വൈകിട്ട് 3 മണിക്ക് കാഞ്ചിയാർ സെൻ്റ് മേരീസ് പള്ളിയിൽ വെച്ച് നടക്കും. 

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: A teacher from Kattappana died after a car accident near Kalady.

#KattappanaNews #IdukkiNews #CarAccident #ObituaryNews #KeralaNews #RenuNews