അസുഖത്തെ തുടര്‍ന്ന് ചികിത്സയിലായിരുന്ന അധ്യാപിക മരിച്ചു

By Web Desk - MainJan 30, 2018, 13:03 IST

കുമ്പള: (www.kasargodvartha.com 30.01.2018) അസുഖത്തെ തുടര്‍ന്ന് ചികിത്സയിലായിരുന്ന അധ്യാപിക മരിച്ചു. മുന്‍ അധ്യാപക നേതാവും സിപിഎം ജില്ലാ കമ്മിറ്റി അംഗവുമായി പി രഘു ദേവൻ മാസ്റ്ററുടെ ഭാര്യ കുമ്പള പൊസത്തടുക്കയിലെ ഷീബ (54) ആണ് മരിച്ചത്. എറണാകുളം ലേക് ഷോര്‍ ആശുപത്രിയില്‍ ചികിത്സയിലായിരുന്നു. ചൊവ്വാഴ്ച പുലര്‍ച്ചെ നാലു മണിയോടെയാണ് അന്ത്യം സംഭവിച്ചത്.

ആരിക്കാടി ഫിഷറീസ് യു.പി സ്‌കൂളിലെ അധ്യാപികയാണ്. മൃതദേഹം ചൊവ്വാഴ്ച വൈകിട്ടോടെ കുമ്പളയിലെത്തിക്കും. സംസ്‌കാരം പിന്നീട് നടക്കും.