ടാപ്പിംഗ് തൊഴിലാളിയെ തൂങ്ങിമരിച്ച നിലയില്‍ കണ്ടെത്തി

ചിറ്റാരിക്കാല്‍: (www.kasargodvartha.com 15.02.2019) കാണാതായ ടാപ്പിംഗ് തൊഴിലാളിയെ തൂങ്ങിമരിച്ച നിലയില്‍ കണ്ടെത്തി. എളേരിത്തട്ട് വിത്തുപുരയില്‍ ഉലഹന്നാന്‍-കുഞ്ഞമ്മ ദമ്പതികളുടെ മകന്‍ ഷിജുവാണ് (32) തൂങ്ങിമരിച്ചത്. വ്യാഴാഴ്ച രാവിലെ വീട്ടില്‍ നിന്നിറങ്ങിയ ഷിജുവിനെ വൈകിട്ട് കാണാത്തതിനെ തുടര്‍ന്ന് വീട്ടുകാര്‍ അന്വേഷിക്കുന്നതിനിടയിലാണ് വെള്ളിയാഴ്ച രാവിലെ എളേരിത്തട്ട് ഗവണ്‍മെന്റ് കോളേജിന് സമീപത്തെ കശുമാവിന്‍ തോട്ടത്തില്‍ ഷിജുവിനെ തൂങ്ങിമരിച്ച നിലയില്‍ കണ്ടെത്തിയത്.

സഹോദരങ്ങള്‍: ഷിബു, ഷിബി. വീട്ടുകാരുടെ പരാതിയില്‍ കേസെടുത്ത് ചിറ്റാരിക്കാല്‍ പ്രിന്‍സിപ്പള്‍ എസ് ഐ രഞ്ജിത്ത് രവീന്ദ്രന്‍ ഇന്‍ക്വസ്റ്റ്  നടപടികള്‍ പൂര്‍ത്തിയാക്കിയ ശേഷം മൃതദേഹം പോസ്റ്റ്മോര്‍ട്ടത്തിനായി ജില്ലാ ആശുപത്രി മോര്‍ച്ചറിയിലേക്ക് മാറ്റി.