മണ്ണെണ്ണയൊഴിച്ച് തീകൊളുത്തിയ ബിരുദ വിദ്യാര്‍ത്ഥിനി മരിച്ചു

കാസര്‍കോട്: (www.kasargodvartha.com 19.07.2018) ദേഹത്ത് മണ്ണെണ്ണയൊഴിച്ച് തീകൊളുത്തി ഗുരുതരാവസ്ഥയില്‍ മംഗ്‌ളൂരു ആശുപത്രിയില്‍ ചികിത്സയിലായിരുന്ന ബിരുദ വിദ്യാര്‍ത്ഥിനി മരിച്ചു. വിദ്യാനഗര്‍ ബാരിക്കാട് ഉജംങ്കോട് ഹൗസിലെ എം വി സുരേഷ് - അനിത ദമ്പതികളുടെ മകള്‍ സജില (19) ആണ് ബുധനാഴ്ച രാത്രി 11.30 മണിയോടെയാണ് മരിച്ചത്.

വിദ്യാനഗര്‍ സ്വകാര്യ കോളജിലെ മൂന്നാം വര്‍ഷ വിദ്യാര്‍ത്ഥിനിയാണ് സജില. ഈ മാസം 16 ന് വൈകീട്ടാണ് സജിലവീട്ടിലെ കുളിമുറിയില്‍ കയറി ദേഹത്ത് മണ്ണെണ്ണയൊഴിച്ച് തീകൊളുത്തുകയായിരുന്നു. ഉടന്‍തന്നെ ആശുപത്രിയില്‍ എത്തിക്കുകയായിരുന്നു.

ഇക്കഴിഞ്ഞ മേയ് 17ന് സജിലയും ഗള്‍ഫ് കരനായ യുവാവും തമ്മിലുള്ള വിവാഹ നിശ്ചയം കഴിഞ്ഞിരുന്നു. ജീവനൊടുക്കാനുള്ള കാരണം വ്യക്തമല്ല. സഹോദരങ്ങള്‍: സനില, സംഗീത.