മഞ്ചേശ്വരത്ത് സ്‌കൂള്‍ വിദ്യാര്‍ത്ഥി കുളത്തില്‍ മുങ്ങി മരിച്ചു

മഞ്ചേശ്വരം: സ്‌കൂള്‍ വിദ്യാര്‍ത്ഥി കുളത്തില്‍ മുങ്ങി മരിച്ചു. ഉപ്പള മൂസോടി കടപ്പുറത്തെ മുഹമ്മദ്-ബീഫാത്വിമ ദമ്പതികളുടെ മകന്‍ ചെമ്മു എന്ന ഷമീര്‍ (15) ആണ് മരിച്ചത്. ഉപ്പള ഹയര്‍സെക്കന്‍ഡറി സ്‌കൂളിലെ പത്താം ക്ലാസ് വിദ്യാര്‍ത്ഥിയാണ്.

വ്യാഴാഴ്ച ഉച്ചയ്ക്ക് ശേഷം സ്‌കൂള്‍ വിട്ട് മൂന്ന് സഹപാഠികള്‍ക്കൊപ്പം മഞ്ചേശ്വരം ഗോവിന്ദ പൈ കോളജിന് പിന്‍വശത്തുള്ള കുളത്തില്‍ കുളിക്കുമ്പോഴാണ സംഭവം. ഷമീര്‍ മുങ്ങിത്താഴുന്നത് കണ്ട് സ്ഥലം വിട്ട കൂട്ടുകാര്‍ രാത്രി ഒമ്പത് മണിയോടെയാണ് വിവരം പുറത്തുപറഞ്ഞത്. പിന്നീട് നാട്ടുകാര്‍ ചേര്‍ന്ന് കുളത്തില്‍ തിരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല.

വിവരം അറിയിച്ചതിന്റെ അടിസ്ഥാനത്തില്‍ ഉപ്പള ഫയര്‍ഫോഴ്‌സ് എത്തിയാണ് രാത്രി 11 മണിയോടെ മൃതദേഹം പുറത്തെടുത്തത്. മംഗല്‍പാടി ആശുപത്രിയില്‍ പോസ്റ്റമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും. മഞ്ചേശ്വരം പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

Also Read:
വീണ്ടും ബീഹാറില്‍ ഭക്ഷ്യവിഷബാധ: പാചകക്കാര്‍ കുഴഞ്ഞുവീണു
Keywords:  Drown, Pond, Friends,  Uppala, School, Fire force, Police, Case, Kasaragod, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.