ന്യൂമോണിയ ബാധിച്ച് വിദ്യാര്‍ത്ഥി മരിച്ചു

Hussain

മുണ്ട്യത്തടുക്ക: ബദിയടുക്ക നവജീവന്‍ ഹൈസ്‌ക്കൂള്‍ പത്താം തരം വിദ്യാര്‍ത്ഥി ഉപ്പിനയിലെ പി.കെ ഇബ്രാഹിം-ബീഫാത്തിമ ദമ്പതികളുടെ മകന്‍ ഹുസൈന്‍(16) ന്യൂമോണിയ ബാധിച്ച് മരിച്ചു.  മംഗലാപുരം ആശുപത്രിയില്‍ പ്രവേശിപ്പിച്ചിരുന്ന ഹുസൈന്‍ ബുധനാഴ്ച്ച രാത്രിയാണ് മരിച്ചത്. ഉപ്പിനയിലെ പി.കെ ഇബ്രാഹിമിന്റയും ബീഫാത്തിമയുടേയും മകനാണ്. സഹോദരങ്ങള്‍: മുഹമ്മദ്, അബ്ദുല്ല(ദുബൈ), ബശീര്‍ സഅദി(പാവറഡുക്ക സദര്‍), ലത്വീഫ്(ദുബൈ), ആയിക, സുഹ്‌റ, നസീം. മയ്യിത്ത് ഉപ്പിന റഹ്മാനിയ ജുമാ മസ്ജിദ് ഖബര്‍സ്ഥാനില്‍ ഖബറടക്കി.

മുഹിമ്മാത്തിലെ ഉസ്താദുമാരും സുന്നീ നേതാക്കളും സന്ദര്‍ശിച്ചു. എസ്.എസ്.എഫ് പ്രവര്‍ത്തകനായ ഹുസൈനിന്റെ മരണത്തില്‍ എസ്.എസ്.എഫ് സംസ്ഥാന വൈസ്.പ്രസി. മൂസ സഖാഫി കളത്തൂര്‍, എസ്.വൈ.എസ് ജില്ലാ ഉപാദ്ധ്യക്ഷന്‍ അബ്ദുല്‍ ഖാദര്‍ സഖാഫി മൊഗ്രാല്‍, മേഖലാ സെക്രട്ടറി ഉമര്‍ സഖാഫി കര്‍ന്നൂര്‍, പഞ്ചായത്ത് പ്രസി.അബ്ദുറഹ്മാന്‍ അഹ്‌സനി, ബശീര്‍ കൊല്ല്യ തുടങ്ങിയവര്‍ വീട്ടിലെത്തി അനുശോചിച്ചു.