ദുബൈയില്‍ മരിച്ച കുമ്പള സ്വദേശിയുടെ മൃതദേഹം നാട്ടിലെത്തിച്ചു

കുമ്പള: ഇക്കഴിഞ്ഞ ശനിയാഴ്ച വൈകിട്ട് ദേരദുബൈയില്‍ അസുഖത്തെ തുടര്‍ന്ന് മരണപ്പെട്ട കുമ്പള സ്വദേശിയുടെ മൃതദേഹം നാട്ടിലെത്തിച്ച് വന്‍ജനാവലിയുടെ സാന്നിധ്യത്തില്‍ ഖബറടക്കി. കുമ്പള മാട്ടുംകുഴിയിലെ പരേതനായ മുഹമ്മദ്-ബീഫാത്തിമ ദമ്പതികളുടെ മകന്‍ അനസ് മന്‍സിലില്‍ എം. അബ്ദുല്‍ ഖാദറിന്റെ മൃതദേഹമാണ് തിങ്കളാഴ്ച രാവിലെ
നാട്ടിലെത്തിച്ചത്. മൃതദേഹം വന്‍ ജനാവലിയുടെ സാന്നിധ്യത്തില്‍ കുമ്പള ബദര്‍ ജുമാ മസ്ജിദ് ഖബര്‍സ്ഥാനില്‍ ഖബറടക്കി. ശനിയാഴ്ച വൈകിട്ടാണ് ദേരദുബൈയിലെ സികരി ഗ്രൂപ്പ് ഓഫ് കമ്പനിയുടെ പി.ആര്‍.ഒയായ അബ്ദുല്‍ ഖാദര്‍ മരണപ്പെട്ടത്. 30 വര്‍ഷക്കാലം ദുബായില്‍ ജോലി ചെയ്തു വരികയായിരുന്നു. ഭാര്യ: മുംതാസ്. മക്കള്‍: അനസ്, അസറുദ്ദീന്‍, ഫാത്തിമാസന, ജുനൈദ്. സഹോദരങ്ങള്‍: കുഞ്ഞാഹമ്മദ്, ആയിഷ, നഫീസ, ഖാലിദ് ഹാജി, ആസ്യുമ്മ, ഖദീജ, കുഞ്ഞിബി, സുഹ്‌റ.