School employee died | സ്കൂൾ ജീവനക്കാരൻ ഉറക്കത്തിൽ മരിച്ചു

കാഞ്ഞങ്ങാട്: (www.kasargodvartha.com) സ്കൂൾ ജീവനക്കാരൻ ഉറക്കത്തിൽ മരിച്ചു. അജാനൂർ ഇഖ്ബാൽ ഹൈസ്കൂളിലെ ക്ലർകും ലാബ് അസിസ്റ്റന്റുമായ മാണിക്കോത്തെ കപ്പണക്കാൽ അബ്ദുർ റഹ്‌മാൻ (48) ആണ് മരിച്ചത്. വെള്ളിയാഴ്ച രാത്രി ഭക്ഷണം കഴിച്ച് കിടന്നുറങ്ങിയ അബ്ദുർ റഹ്‌മാനെ രാവിലെയാണ് മരിച്ച നിലയിൽ കണ്ടെത്തിയത്.
         
പരേതനായ മുഹമ്മദ് - ആമിന ദമ്പതികളുടെ മകനാണ്. ഭാര്യ: റഹ്‌മത് സൗത് ചിത്താരി.

മക്കൾ: മുഹമ്മദ്, റശാദ്, ബിശ് റുൽ ഹഫീസ്, റാഹില.

മരുമകൻ: നിയാസ് ആവിയിൽ.

സഹോദരങ്ങൾ: ഉസ്മാൻ, സുഹ്റ, ശരീഫ.

മൃതദേഹം മാണിക്കോത്ത് ജുമാ മസ്ജിദ് ഖബർസ്ഥാനിൽ ഖബറടക്കി.