പുല്ലൂർ സർവീസ് സഹകരണ ബാങ്ക് ജീവനക്കാരനെ ട്രെയിൻ തട്ടി മരിച്ച നിലയിൽ കണ്ടെത്തി

കാഞ്ഞങ്ങാട്: (KasargodVartha) സഹകരണ ബാങ്ക് ജീവനക്കാരനെ ട്രെയിൻ തട്ടി മരിച്ച നിലയിൽ കണ്ടെത്തി. കൊടവലം പട്ടർ കണ്ടം സ്വദേശി എം. നിധീഷ് (33) ആണ് മരിച്ചത്. ചൊവ്വാഴ്ച വൈകിട്ട് ആറുമണിയോടെ കാഞ്ഞങ്ങാട് കുശാൽനഗർ റെയിൽവേ ട്രാക്കിന് സമീപമാണ് നിധീഷിന്റെ മൃതദേഹം കണ്ടെത്തിയത്.

സംഭവമറിഞ്ഞ് പൊലീസ് സ്ഥലത്തെത്തി വിശദമായ പരിശോധനകൾ നടത്തി. തുടർന്ന് ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടം നടപടികൾക്കായി കാഞ്ഞങ്ങാട് ജില്ലാ ആശുപത്രി മോർച്ചറിയിലേക്ക് മാറ്റി. നിധീഷിന്റെ മരണത്തിലേക്ക് നയിച്ച കൃത്യമായ കാരണം ഇതുവരെ വ്യക്തമായിട്ടില്ല. സംഭവത്തിൽ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.

പുല്ലൂർ സർവീസ് സഹകരണ ബാങ്കിലെ ജീവനക്കാരനായി സേവനമനുഷ്ഠിച്ചു വരികയായിരുന്നു ഇദ്ദേഹം. നിലവിൽ പുല്ലൂരിലാണ് നിധീഷും കുടുംബവും താമസിച്ചുവരുന്നത്. ബാലാമണിയുടെയും പരേതനായ നിട്ടൂർ കുഞ്ഞിരാമന്റെയും മകനാണ്. ഭാര്യ: വീണ. ഏക മകൻ: നിവാൻ. സഹോദരങ്ങൾ: എം. നാനുഷ്, എം. നികേഷ് (കാഞ്ഞങ്ങാട് ചോളമണ്ഡലം ഫിനാൻസ് ജീവനക്കാരൻ).

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. പുതിയ അപ്‌ഡേറ്റുകൾ ഉടൻ ലഭിക്കാൻ ഞങ്ങളുടെ ഫേസ്ബുക്ക് പേജ് ഫോളോ ചെയ്യുക. ഈ വാർത്ത സുഹൃത്തുകൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിലും ഷെയർ ചെയ്യൂ..

Article Summary: A 33-year-old employee of Pullur Service Co-operative Bank was found dead after being hit by a train near Kushal Nagar on Tuesday evening. 

#Pullur #Kanhangad #TrainAccident #KeralaNews #BankEmployee #Casualty