ടെമ്പോയിടിച്ച് ഓട്ടോ ഡ്രൈവര്‍ മരിച്ചു

By Desk AlphaMar 12, 2014, 17:53 IST

ഉപ്പള: ഉപ്പള ദേശീയ പാതയില്‍ ബുധനാഴ്ച രാവിലെയുണ്ടായ വാഹനാപകടത്തില്‍ ഓട്ടോ ഡ്രൈവര്‍ മരിച്ചു. ഉപ്പള നയാബസാറിലെ ഓട്ടോഡ്രൈവര്‍ പെരിങ്കടിയിലെ മുഹമ്മദ് ഇഖ്ബാലാണ് (33) മരിച്ചത്.

കാറിടിച്ച് നിയന്ത്രണം വിട്ടു മറിഞ്ഞ ഓട്ടോയിലേക്ക് ടെമ്പോ ഇടിക്കുകയായിരുന്നു.
ഇഖ്ബാല്‍ ഉപ്പള നയാബസാറിലേക്ക് ഓട്ടോ ഓടിച്ചുവരുന്നതിനിടയില്‍ പിറകില്‍ നിന്നു വന്ന കാറിടിക്കുകയായിരുന്നു. ഇടിയുടെ ആഘാതത്തില്‍ നിയന്ത്രണം വിട്ടു മറിഞ്ഞ ഓട്ടോയിലേക്ക് മംഗലാപുരം ഭാഗത്തേക്ക് പോവുകയായിരുന്ന ടെമ്പോ ഇടിക്കുകയായിരുന്നു. ഓട്ടോയില്‍ കുടുങ്ങിയ ഇഖ്ബാലിനെ നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യ: ഖൈറുന്നിസ. മക്കള്‍: അല്‍ഫാസ്, അപ്‌സര ബീഗം.