വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന ഒന്നരവയസുകാരന്‍ കിണറില്‍ വീണുമരിച്ചു

By Web Desk SreApr 11, 2018, 14:16 IST

ചെര്‍ക്കള: (www.kasargodvartha.com 11.04.2018) വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന ഒന്നരവയസുകാരന്‍ കിണറില്‍ വീണുമരിച്ചു. മധൂര്‍ പട് ളയിലെ സൈഫുദ്ദീന്‍-തെക്കില്‍ പാലത്തിന് സമീപത്തെ നസീമ ദമ്പതികളുടെ മകന്‍ സാനിഫ്(ഒന്നര)യാണ് മരിച്ചത്. ബുധനാഴ്ച ഉച്ചയോടെയാണ് സംഭവം. വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന കുട്ടിയെ അന്വേഷിച്ചപ്പോഴാണ് സമീപത്തെ കിണറ്റില്‍ കണ്ടെത്തിയത്.

ഉടന്‍ തന്നെ നാട്ടുകാര്‍ ഓടിക്കൂടി ചെങ്കള സഹകരണാശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല. വിവരമറിഞ്ഞ് വിദ്യാനഗര്‍ എസ് ഐ വിനോദ് കുമാറിന്റെ നേതൃത്വത്തില്‍ പോലീസ് സ്ഥലത്തെത്തി അന്വേഷണമാരംഭിച്ചു. മൂന്ന് സഹോദരങ്ങളുണ്ട്.