ടൂറിസ്റ്റ് ഹോം കെട്ടിടത്തിന്റെ അറ്റകുറ്റപണി കഴിഞ്ഞ് ഇറങ്ങുന്നതിനിടെ മേൽക്കൂരയുടെ ഷീറ്റ് തകർന്ന് യുവാവ് വീണു മരിച്ചു

നീലേശ്വരം: (KasargodVartha) ടൂറിസ്റ്റ് ഹോം കെട്ടിടത്തിന്റെ അറ്റകുറ്റപ്പണി കഴിഞ്ഞ് ഇറങ്ങുന്നതിനിടെ മേൽക്കൂരയുടെ ഷീറ്റ് തകർന്ന് തൊഴിലാളിയായ യുവാവ് മരിച്ചു. നീലേശ്വരം മാർക്കറ്റ് ജംഗ്ഷന് സമീപത്തെ ഹാപ്പി ടൂറിസ്റ്റ് ഹോമിന്റെ നവീകരണത്തിനെത്തിയ പാലക്കാട് നെന്മാറ സ്വദേശി എസ്. വിനീത് (35) ആണ് മരിച്ചത്.

തിങ്കളാഴ്ച വൈകുന്നേരം 6.45 ഓടെയായിരുന്നു ദാരുണസംഭവം. രണ്ടുദിവസമായി ടൂറിസ്റ്റ് ഹോമിന്റെ മേൽക്കൂരയുടെ പണികൾ നടക്കുകയായിരുന്നു. ബാക്കിയുണ്ടായിരുന്ന അറ്റകുറ്റപ്പണികൾ പൂർത്തിയാക്കാനായി വിനീത് തിങ്കളാഴ്ച രാവിലെ എത്തുകയായിരുന്നു.

ജോലി കഴിഞ്ഞ് താഴേക്ക് ഇറങ്ങുന്നതിനിടെ മേൽക്കൂരയുടെ ഷീറ്റ് തകർന്ന് വിനീത് താഴെ വീഴുകയായിരുന്നു. ഗുരുതരമായി പരിക്കേറ്റ യുവാവിനെ ഉടൻതന്നെ തേജസ്വിനി സഹകരണ ആശുപത്രിയിൽ എത്തിച്ചെങ്കിലും അപ്പോഴേക്കും മരിച്ചിരുന്നു.

മൃതദേഹം പോസ്റ്റ്മോർട്ടത്തിനായി കാഞ്ഞങ്ങാട് ജില്ലാ ആശുപത്രി മോർച്ചറിയിലേക്ക് മാറ്റി. നീലേശ്വരം പോലീസ് സംഭവത്തിൽ അന്വേഷണം ആരംഭിച്ചു.

ഈ ദാരുണ വാർത്ത പരമാവധി ആളുകളിലേക്ക് എത്തിക്കുക. നിങ്ങളുടെ അഭിപ്രായങ്ങളും പങ്കുവെക്കുക.

Article Summary: A young worker from Palakkad died in a tragic accident in Neeleswaram after falling through a roof while working on a tourist home. The incident occurred on Monday evening.

Hashtags: #NeeleswaramAccident #TouristHomeTragedy #RoofCollapse #WorkerDeath #KeralaNews #Palakkad