നായന്മാര്‍ മൂലയിലെ കുറ്റി മുഹമ്മദ് ഹാജി നിര്യാതനായി

നായന്മാര്‍മൂല: റഹ് മാനിയ നഗറിലെ പരേതനായ കുറ്റി അബ്ദുല്‍ ഖാദറിന്റെ മകന്‍ പി.എ. മുഹമ്മദ് ഹാജി എന്ന കുറ്റി മുഹമ്മദ് ഹാജി (74) നിര്യാതനായി. മംഗലാപുരം സ്വകാര്യ ആശുപത്രിയില്‍ തിങ്കളാഴ്ച രാവിലെ 9.15 മണിയോടെ രക്ത സമ്മര്‍ദത്തെതുടര്‍ന്നായിരുന്നു അന്ത്യം സംഭവിച്ചത്. റഹ് മാനിയ ജമാഅത്ത് പള്ളി സ്ഥാപക നേതാക്കളില്‍ ഒരാളും പ്രഥമ വൈസ് പ്രസിഡന്റുമായിരുന്നു.

നുസ്രത്തുല്‍ ഇസ്ലാം യംഗ് മെന്‍സ് അസോസിയേഷന്‍ പ്രസിഡന്റ്, അന്‍സാറുല്‍ മസാക്കീന്‍ അസോസിയേഷന്‍ മുന്‍ ട്രഷറര്‍, നാഷണല്‍ ലീഗ്, മുസ്ലിം ലീഗ് സംഘടനകളുടെ സജീവ പ്രവര്‍ത്തകന്‍ എന്നീ നിലകളിലും പ്രവര്‍ത്തിച്ചിരുന്നു.

ഭാര്യ: അസ്മ. മക്കള്‍: മുഹമ്മദ് സാലി, അബ്ദുല്ല, ഖലീല്‍ (ഗള്‍ഫ്), ഷഹര്‍ബാന്‍, ലത്തീഫ്, ഫൗസിയ. മരുമകന്‍: മൊഗ്രാല്‍ പന്നിക്കുന്നിലെ സലാം. പരേതനായ പാറക്കട്ട മുഹമ്മദിന്റെ ഭാര്യ ഫാത്വിമ, പരേതനായ എരിഞ്ചേരി മുഹമ്മദിന്റെ ഭാര്യ സൈനബി, ചെറിയ ആലംപാടിയിലെ അബ്ദുല്ലയുടെ ഭാര്യ നബീസ എന്നിവര്‍ സഹോദരിമാര്‍.


പൊതു പ്രവര്‍ത്തകനും സഹകാരിയുമായിരുന്ന മുഹമ്മദ് ഹാജിയുടെ നിര്യാണത്തില്‍ റഹ് മാനിയ നഗര്‍ പൗരാവലി അനുശോചനം രേഖപ്പെടുത്തി. റഹ് മാനിയ നഗര്‍ ജമാഅത്ത് പള്ളി ഖബര്‍ സ്ഥാനില്‍ തിങ്കളാഴ്ച വൈകിട്ട് നാല് മണിയോടെ ഖബറടക്കും.