നഗരസഭാ ജീവനക്കാരന്‍ ഹൃദയാഘാതത്തെ തുടര്‍ന്ന് മരിച്ചു

By Web Desk SNOct 9, 2017, 10:45 IST

കാസര്‍കോട്: (www.kasargodvartha.com 09.10.2017) നഗരസഭാ ജീവനക്കാരന്‍ ഹൃദയാഘാതത്തെ തുടര്‍ന്ന് മരണപ്പെട്ടു. കാസര്‍കോട് നഗരസഭയിലെ ശുചീകരണ വിഭാഗം ജീവനക്കാരനും അശോക് നഗറിലെ പരേതനായ വാസുദേവയുടെ മകനുമായ എസ് ബാലകൃഷ്ണന്‍ (47) ആണ് മരിച്ചത്.

തിങ്കളാഴ്ച പുലര്‍ച്ചെ മൂന്നു മണിയോടെയാണ് സംഭവം. വീട്ടിനകത്ത് കിടപ്പുമുറിയില്‍വെച്ച് ഹൃദയാഘാതം സംഭവിച്ച ബാലകൃഷ്ണനെ ഉടന്‍ തന്നെ കാസര്‍കോട്ടെ സ്വകാര്യാശുപത്രിയില്‍ പ്രവേശിപ്പിച്ചുവെങ്കിലും ജീവന്‍ രക്ഷിക്കാനായില്ല. ബബിതയാണ് ഭാര്യ. വരദേഷ് ഏക മകനാണ്.