Accident | ടാങ്കര് ലോറിയിടിച്ച് 25 കാരിയായ മോഡലിന് ദാരുണാന്ത്യം
● അപകടം സുഹൃത്തിനൊപ്പം ഇരുചക്ര വാഹനത്തില് പോകുമ്പോള്.
● രക്ഷപ്പെട്ട ടാങ്കര് ലോറിയുടെ ഡ്രൈവറെ കണ്ടെത്താനായിട്ടില്ല.
● ടാങ്കര് അമിത വേഗതയിലായിരുന്നുവെന്ന് ദൃക്സാക്ഷികള്.
മുംബൈ: (KasargodVartha) ടാങ്കര് ലോറിയിടിച്ച് 25 കാരിയായ മോഡലിന് ദാരുണാന്ത്യം. മുംബൈ മലാഡ് നിവാസിയായ ശിവാനി സിംഗ് (25)ആണ് മരിച്ചത്. സുഹൃത്തിനൊപ്പം ഇരുചക്ര വാഹനത്തില് പോകുമ്പോഴാണ് അപകടമുണ്ടായത്.
ബാന്ദ്രയിലെ ഡോ. ബാബാസാഹെബ് അംബേദ്കര് റോഡിലൂടെ പോകുമ്പോഴാണ് വാട്ടര് ടാങ്കര് ഇവരെ ഇടിച്ചത്. ഇടിയുടെ ആഘാതത്തില് ശിവാനി സിംഗ് മോട്ടോര് സൈക്കിളില് നിന്ന് തെറിച്ചുവീണ് മറ്റൊരു വാഹനത്തിന്റെ അടിയില്പ്പെടുകയായിരുന്നു. സുഹൃത്ത് പരിക്കുകളോടെ രക്ഷപ്പെട്ടു.
അപകടമുണ്ടായ ഉടനെ ഡ്രൈവര് ഓടി രക്ഷപ്പെട്ടു. ടാങ്കര് അവരെ ഇടിക്കുന്നതിന് മുമ്പ് അമിത വേഗതയിലായിരുന്നുവെന്ന് ദൃക്സാക്ഷികള് പറഞ്ഞു. അപകടത്തിന് കാരണമായ ടാങ്കര് ലോറിയുടെ ഡ്രൈവറെ കണ്ടെത്താനായിട്ടില്ല. പ്രതിയെ പിടികൂടാന് പ്രദേശത്തെ സിസിടിവി ദൃശ്യങ്ങള് പരിശോധിച്ച് വരികയാണെന്ന് പൊലീസ് പറഞ്ഞു.
#MumbaiAccident #ModelDeath #TankerAccident #India
