കാണാതായ യുവാവ് കിണറ്റില്‍ മരിച്ച നിലയില്‍

ചെരുമ്പ: (www.kasargodvartha.com 24.06.2014) യുവാവിനെ വീട്ടുവളപ്പിലെ കിണറ്റില്‍ മരിച്ച നിലയില്‍ കണ്ടെത്തി. തൊണ്ടോളി ബദ്‌രിയ മസ്ജിദിന് സമീപത്തെ ഹംസ (31)യെയാണ് തിങ്കളാഴ്ച രാത്രി 10.30 മണിയോടെ മരിച്ച നിലയില്‍ കണ്ടെത്തിയത്.

വൈകുന്നേരത്തോടെ ഹംസയെ കാണാതായിരുന്നു. ഇതേതുടര്‍ന്ന് വീട്ടുകാരും പരിസരവാസികളും തിരച്ചില്‍ നടത്തിവരികയായിരുന്നു. പോലീസിലും വിവരമറിയിച്ചു. ഇതിനിടിയിലാണ് മൃതദേഹം കിണറ്റില്‍ കാണപ്പെട്ടത്.

ഫയര്‍ ഫോഴ്‌സിന്റെ സഹായത്തോടെ പുറത്തെടുത്ത മൃതദേഹം പോസ്റ്റ് മോര്‍ട്ടത്തിനായി കാഞ്ഞങ്ങാട് ഗവ. ആശുപത്രിയിലേക്ക് മാറ്റി. മൗവ്വല്‍ അബ്ബാസിന്റെ മകനാണ്. രണ്ട് കുട്ടികളുണ്ട്. വീടിന്റെ മുന്‍വശത്ത് കട നടത്തി ഉപജീവനം നടത്തി വരികയായിരുന്നു ഹംസ.