മകനെ മരിച്ച നിലയിൽ കണ്ടെത്തിയതിന് പിന്നാലെ വീട്ടിൽ നിന്നും മനംനൊന്ത് ഇറങ്ങി പോയ പിതാവിനെ റെയിൽവെ സ്റ്റേഷനിൽ കണ്ടെത്തി

മേൽപ്പറമ്പ്: (KasargodVartha) മകനെ മരിച്ച നിലയിൽ കണ്ടെത്തിയതിന് പിന്നാലെ വീട്ടിൽ നിന്നും മനംനൊന്ത് ഇറങ്ങിപ്പോയ പിതാവിനെ റെയിൽവേ സ്റ്റേഷൻ പരിസരത്തുനിന്നും കണ്ടെത്തി. ദേളി കുന്നുപാറയിൽ 21 വയസ്സുകാരനായ ധനുഷിനെയാണ് കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തിയത്.

ദാമോദരൻ്റെ മകൻ ധനുഷ് (21) ആണ് മരിച്ചത്. പന്തൽ പണിക്കാരനായിരുന്ന മകൻ്റെ മരണവിവരമറിഞ്ഞ് വീട്ടിൽ നിന്നും മനംനൊന്ത് ഇറങ്ങിപ്പോയതായിരുന്നു പിതാവ് ദാമോദരൻ. തിങ്കളാഴ്ച രാത്രി ഭക്ഷണം കഴിച്ചതിന് ശേഷം ഉറങ്ങാൻ കിടന്നതായിരുന്നു ധനുഷ്. ചൊവ്വാഴ്ച രാവിലെ എഴുന്നേറ്റു കാണാത്തതിനെ തുടർന്ന് നോക്കിയപ്പോഴാണ് കിടപ്പുമുറിയിൽ മരിച്ച നിലയിൽ കണ്ടെത്തിയത്.

കെട്ടഴിച്ച് താഴെയിറക്കി ജനറൽ ആശുപത്രിയിൽ എത്തിച്ചുവെങ്കിലും അപ്പോഴേക്കും മരണം സംഭവിച്ചിരുന്നു. ധനുഷിൻ്റെ മൃതദേഹം കാസർകോട് ജനറൽ ആശുപത്രി മോർച്ചറിയിലേക്ക് മാറ്റിയതിന് പിന്നാലെയാണ് പിതാവിനെ കാണാതായത്. ധനുഷിൻ്റെ മരണത്തിൽ മേൽപ്പറമ്പ് പോലീസ് അസ്വാഭാവിക മരണത്തിന് കേസെടുത്ത് നടത്തിയ അന്വേഷണത്തിലാണ് പ്രണയനൈരാശ്യമാണ് കാരണമെന്ന സൂചന ലഭിച്ചത്.

ധനുഷ് മരണപ്പെട്ട വിവരം അറിഞ്ഞതിന് ശേഷം പിതാവ് ദാമോദരനെ കാണാതായിരുന്നു. ഇയാളെ പിന്നീട് കാസർകോട് റെയിൽവേ സ്റ്റേഷന് സമീപം കണ്ടെത്തുകയായിരുന്നു. പോലീസ് സോഷ്യൽ മീഡിയ വഴി വിവരം ആളുകളിലെത്തിച്ചിരുന്നു. തുടർന്ന് നടത്തിയ അന്വേഷണത്തിലാണ് ദാമോദരനെ കണ്ടെത്തിയത്. മകൻ മരിച്ചതിൻ്റെ മാനസിക വിഷമം കാരണം എവിടേക്കെന്നില്ലാതെ ഇറങ്ങി പുറപ്പെട്ടതായിരുന്നു ദാമോദരൻ. മരിച്ച ധനുഷിൻ്റെ മാതാവ് ഗീത, സഹോദരി ദിവ്യ , സഹോദരൻ ദീക്ഷിത്.

ഇത്തരം സാഹചര്യങ്ങളിൽ മാനസിക പിന്തുണ നൽകേണ്ടതിന്റെ പ്രാധാന്യത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Missing father found after son's assault in Kasaragod.

#Kasaragod #Assault#MissingPerson #PoliceSearch #FamilyTragedy #KeralaNews