city-gold-ad-for-blogger

പിറകോട്ടെടുത്ത ലോറിയിലെ മരത്തടി കാറിന്റെ ഗ്ലാസില്‍ തുളച്ചുകയറി മധ്യവയസ്‌ക്കന്‍ മരിച്ചു

പടന്നക്കാട്: (www.kasargodvartha.com 27/05/2016) മരക്കമ്പനിയില്‍നിന്നും പിറകോട്ടെടുത്ത ലോറിയിലെ മരത്തടി കാറിന്റെ ഗ്ലാസില്‍ തുളച്ചുകയറി മധ്യവയസ്‌ക്കന്‍ ദാരുണമായി മരണപ്പെട്ടു. ബേഡകം ബേത്തൂര്‍ പാറയിലെ ഗോപാലകൃഷ്ണനാണ് (58) മരണപ്പെട്ടത്. വെള്ളിയാഴ്ച പുലര്‍ച്ചെ 5.30 മണിയോടെ പടന്നക്കാട് ദേശീയ പാതയിലാണ് അപകടമുണ്ടായത്.

പിറകോട്ടെടുത്ത ലോറിയിലെ മരത്തടി കാറിന്റെ ഗ്ലാസില്‍ തുളച്ചുകയറി മധ്യവയസ്‌ക്കന്‍ മരിച്ചുഗോപാലകൃഷ്ണനും മകനും അയല്‍വാസിയും പറശ്ശിനിക്കടവിലേക്ക് കാറില്‍ യാത്രപുറപ്പെട്ടതായിരുന്നു. കാര്‍ പടന്നക്കാട്ട് എത്തിയപ്പോള്‍ ദേശീയപാതയ്ക്ക് അരികിലെ മരക്കമ്പനിയില്‍നിന്നും ലോറി പിറകോട്ടെടുക്കുകയും ഇതിലുണ്ടായിരുന്ന മരത്തടികളിലൊന്ന് കാറിന്റെ സൈഡ് ഗ്ലാസിലേക്ക് തുളച്ചുകയറുകയുമായിരുന്നു. 

ഈഭാഗത്തിരുന്ന ഗോപാലകൃഷ്ണന്റെ തലയിലേക്കും ദേഹത്തും ചില്ലുകള്‍ തുളച്ചുകയറി. അപകടം നേരില്‍കണ്ടവര്‍ ഓടിക്കൂടി കാറില്‍നിന്നും ഗോപാലകൃഷ്ണനേയും പരിക്കേറ്റ മറ്റുള്ളവരേയും പുറത്തെടുത്ത് ജില്ലാ ആശുപത്രിയിലേക്ക് കൊണ്ടുപോയി. ഗോപാലകൃഷ്ണന്റെ നില ഗുരുതരമായതിനാല്‍ പരിയാരം മെഡിക്കല്‍ കോളജ് ആശുപത്രിയിലേക്ക് മാറ്റിയെങ്കിലും മരണം സംഭവിച്ചു. 

കാറിലുണ്ടായിരുന്ന ഗിരീഷ് എന്ന യുവാവിനും അപകടത്തില്‍ പരിക്കേറ്റു. ഹൊസ്ദുര്‍ഗ് പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിനായി പരിയാരം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. ഭാര്യ: ഓമന. മക്കള്‍: ജിതിന്‍, ജിനേഷ്, ജിഷ്ണു.

പിറകോട്ടെടുത്ത ലോറിയിലെ മരത്തടി കാറിന്റെ ഗ്ലാസില്‍ തുളച്ചുകയറി മധ്യവയസ്‌ക്കന്‍ മരിച്ചു

Keywords:  Accident, Padannakad, Kasaragod, Kerala, Obituary, Accident Death
കാസർകോട് വാർത്തയുടെ ഫെയ്‌സ്‌ബുക്ക് പേജിലൂടെ വാർത്തകളോട് നിങ്ങൾക്കും പ്രതികരിക്കാം. ആരോഗ്യകരമായ ചർച്ചകളെ ഞങ്ങൾ എപ്പോഴും സ്വാഗതം ചെയ്യുന്നു. എന്നാൽ അസഭ്യം, അശ്ലീലം, മതവിദ്വേഷം എന്നിവ അടങ്ങിയ കമന്റുകൾ ഐടി ആക്ട് പ്രകാരം കുറ്റകരമാണ്. നിയമനടപടികൾ സ്വീകരിച്ചെന്നുവരാം.
Desk Delta
Desk Delta

94339 Articles

Tags

Share this story

google news
Local News
Kasargodvartha android application
UNITED MEDICAL CENTER 01/02/2022
wellfitindia

wellfitindia