സമസ്തയുടെ അമരക്കാരൻ, കണ്ണൂരിന്റെ ആത്മീയ നേതൃത്വം: മാണിയൂർ അഹ്മദ് മുസ്ലിയാരുടെ വിയോഗം തീരാനഷ്ടമായി

കണ്ണൂർ: (KasargodVartha) പ്രമുഖ പണ്ഡിതനും സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ അംഗവും സൂഫിവര്യനുമായ മാണിയൂർ ഉസ്താദ് എന്ന മാണിയൂർ അഹ്മദ് മുസ്ലിയാർ (75) അന്തരിച്ചു. പക്ഷാഘാതത്തെ തുടർന്ന് ഏറെക്കാലമായി ആലക്കോട് ചികിത്സയിലായിരുന്ന അദ്ദേഹത്തിന്റെ വിയോഗം മത-സാമൂഹിക രംഗങ്ങൾക്ക് തീരാനഷ്ടമായി.

1949 ജൂൺ 19-നാണ് മാണിയൂർ അഹ്മദ് മുസ്ലിയാർ കണ്ണൂർ ജില്ലയിലെ പുറത്തീൽ പുതിയകത്ത് ശൈഖ് കുടുംബത്തിൽ ജനിച്ചത്. പണ്ഡിതനും സൂഫിവര്യനുമായിരുന്ന മാണിയൂർ അബ്ദുല്ല മൗലവിയുടെയും പുറത്തീൽ പുതിയകത്ത് ഹലീമയുടെയും പുത്രനാണ് അദ്ദേഹം.
സമസ്ത കേരള ജംഇയ്യത്തുൽ ഉലമയുടെ കേന്ദ്ര മുശാവറ അംഗം, സമസ്ത കണ്ണൂർ ജില്ലാ ജനറൽ സെക്രട്ടറി, തൃക്കരിപ്പൂർ മുനവ്വിറുൽ ഇസ്ലാം അറബിക് കോളേജ് പ്രിൻസിപ്പാൾ തുടങ്ങിയ നിരവധി സുപ്രധാന സ്ഥാനങ്ങൾ അദ്ദേഹം വഹിച്ചിട്ടുണ്ട്. മതവിദ്യാഭ്യാസ രംഗത്തും സംഘടനാ പ്രവർത്തനങ്ങളിലും അദ്ദേഹം നൽകിയ സംഭാവനകൾ വലുതാണ്.

മാണിയൂർ ഉസ്താദിന്റെ ജനാസ രാവിലെ ഒൻപത് മണിയോടെ ചെറുവത്തലയിലുള്ള സ്വവസതിയിൽ എത്തിച്ചു. ഉച്ചയ്ക്ക് 2 മണിയോടെ സ്വവസതിക്ക് സമീപം ഖബറടക്കുമെന്ന് ബന്ധപ്പെട്ടവർ അറിയിച്ചു.

 ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ  പങ്കുവെക്കുക 
 

Summary: Renowned Islamic scholar Maniyoor Ahmed Musliyar (75) passed away in Kannur.
 

#ManiyoorAhmedMusliyar, #Samastha, #Kannur, #IslamicScholar, #KeralaNews, #SpiritualLeader