വയോധികനെ കടവരാന്തയില്‍ മരിച്ച നിലയില്‍ കണ്ടെത്തി; ബന്ധുക്കളെ അന്വേഷിക്കുന്നു

By Web Desk - MainOct 30, 2019, 10:37 IST

കാസര്‍കോട്: (www.kasargodvartha.com 30.10.2019) വയോധികനെ കടവരാന്തയില്‍ മരിച്ച നിലയില്‍ കണ്ടെത്തി. കര്‍ണാടക ചിത്രദുര്‍ഗ ഭാവനാഴി സ്വദേശി മുഹമ്മദ് അഷ്‌റഫിനെ (60)യാണ് കാസര്‍കോട് ജനറല്‍ ആശുപത്രിക്ക് സമീപത്തെ കടവരാന്തയില്‍ ബുധനാഴ്ച രാവിലെ മരിച്ച നിലയില്‍ കണ്ടെത്തിയത്. എല്ലാ ദിവസവും കടവരാന്തയില്‍ തന്നെ കിടന്നുറങ്ങുകയാണ് ചെയ്യുന്നത്.

വിവരമറിഞ്ഞ് എ എസ് ഐ അബ്ദുര്‍ റസാഖിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി മൃതദേഹം ഇന്‍ക്വസ്റ്റിനു ശേഷം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി. ഇയാളുടെ ബന്ധുക്കളുടെ കണ്ടെത്താന്‍ പോലീസ് അന്വേഷണം ഊര്‍ജിതമാക്കിയിട്ടുണ്ട്.