വയോധികനെ റോഡരികില്‍ മരിച്ച നിലയില്‍ കണ്ടെത്തി

By Web Desk - MainMay 17, 2019, 14:54 IST

പാലക്കുന്ന്: (www.kasargodvartha.com 17.05.2019) വയോധികനെ റോഡരികില്‍ മരിച്ച നിലയില്‍ കണ്ടെത്തി. പാലക്കുന്നിലെ ബസ് വെയ്റ്റിംഗ് ഷെഡ്ഡിന് സമീപത്താണ് നീലേശ്വരം സ്വദേശിയെന്ന് സംശയിക്കുന്നയാളെ മരിച്ച നിലയില്‍ കണ്ടെത്തിയത്. കാവി മുണ്ടാണ് വേഷം. ഷര്‍ട്ട് ധരിച്ചിരുന്നില്ല. ജില്ലാ ആശുപത്രിയില്‍ നിന്ന് ചികിത്സ തേടിയതിന്റെ ഒ പി ചീട്ട് മൃതദേഹത്തിലുണ്ടായിരുന്നു.

പപ്പന്‍ (54) എന്നാണ് ചീട്ടില്‍ രേഖപ്പെടുത്തിയിട്ടുള്ളത്. വിവരമറിഞ്ഞ് ബേക്കല്‍ പോലീസ് സ്ഥലത്തെത്തി മൃതദേഹം ഇന്‍ക്വസ്റ്റിനു ശേഷം ജനറല്‍ ആശുപത്രി മോര്‍ച്ചറിയിലേക്ക് മാറ്റി.