ജനസേവന കേന്ദ്രം ഓഫീസ് ക്ലര്‍ക്ക് ട്രെയിന്‍ തട്ടി മരിച്ച നിലയില്‍

കാസര്‍കോട്: കാസര്‍കോട് ജനസേവന കേന്ദ്രത്തിലെ എല്‍.ഡി ക്ലര്‍ക്ക് ജി.കെ ആനന്ദഷെട്ടി (37)യെ നെല്ലിക്കുന്ന് ഓവര്‍ബ്രിഡ്ജിനടുത്ത് ട്രെയിന്‍ തട്ടി മരിച്ച നിലയില്‍ കണ്ടെത്തി. ഞായറാഴ്ച ഉച്ചയ്ക്ക് ഒരുമണിയോടെയാണ് പാലത്തിന് 100 മീറ്റര്‍ അകലെ പാളത്തില്‍ മൃതദേഹം കാണപ്പെട്ടത്.

കേളുഗുഡ്ഡെ ചുറ്റിക്കാട് സ്വദേശിയാണ്. നേരത്തെ ആര്‍.ടി.ഒ ഓഫീസില്‍ ക്ലര്‍ക്കായിരുന്നു. റിട്ടയേര്‍ഡ് ഡെപ്യൂട്ടി കലക്ടര്‍ ജി.കെ ഷെട്ടിയുടെ മകനാണ്. മാതാവ്: ഗീത. അവിവാഹിതനാണ്. സഹോദരങ്ങള്‍: ഗണേഷ്, ചിത്ര (അധ്യാപിക, കാസര്‍കോട് ബാലഭവന്‍).

മൃതദേഹം ടൗണ്‍പോലീസ് ഇന്‍ക്വസ്റ്റ് നടത്തിയ ശേഷം പോസ്റ്റുമോര്‍ട്ടത്തിനായി ജനറല്‍ ആശുപത്രി മോര്‍ച്ചറിയിലേക്ക് മാറ്റി.

Advertisement: