പക്ഷാഘാതത്തെ തുടര്‍ന്ന് ചികിത്സയിലായിരുന്ന ഗൃഹനാഥന്‍ ഭാര്യ പുറത്തുപോയ സമയം തൂങ്ങിമരിച്ചു

By Web Desk - MainOct 8, 2018, 15:58 IST

അഡൂര്‍: (www.kasargodvartha.com 08.10.2018) പക്ഷാഘാതത്തെ തുടര്‍ന്ന് ചികിത്സയിലായിരുന്ന ഗൃഹനാഥന്‍ ഭാര്യ പുറത്തുപോയ സമയം തൂങ്ങിമരിച്ചു. അഡൂര്‍ കാട്ടിക്കജെ മാവനടിയിലെ സുന്ദരനായികിനെ (52)യാണ് തൂങ്ങിമരിച്ച നിലയില്‍ കണ്ടെത്തിയത്. ഞായറാഴ്ച ഉച്ചയോടെ ഭാര്യ ലളിത പുറത്തു പോയ സമയത്തായിരുന്നു സംഭവം.

കൂലിപ്പണിക്കാരനായിരുന്ന സുന്ദര പക്ഷാഘാതത്തെ തുടര്‍ന്ന് ഏഴുമാസമായി ജോലിക്കു പോയിരുന്നില്ല. സഹോദരങ്ങള്‍: ഐത്തപ്പ നായിക്, കമല. വിവരമറിഞ്ഞ് ആദൂര്‍ പോലീസ് സ്ഥലത്തെത്തി. മൃതദേഹം ഇന്‍ക്വസ്റ്റിനു ശേഷം പോസ്റ്റുമോര്‍ട്ടത്തിനായി ജനറല്‍ ആശുപത്രി മോര്‍ച്ചറിയിലേക്ക് മാറ്റി.