തെയ്യം കലാകാരനെ വീട്ടിനുള്ളില്‍ തൂങ്ങിമരിച്ച നിലയില്‍ കണ്ടെത്തി

കാഞ്ഞങ്ങാട്: (www.kasargodvartha.com 08.08.2018) തെയ്യം കലാകാരനെ വീട്ടിനകത്ത് തൂങ്ങിമരിച്ച നിലയില്‍ കണ്ടെത്തി. രാവണേശ്വരം പള്ളത്തിങ്കാലിലെ മീത്തല്‍ വീട്ടില്‍ അമ്പാടി- ദേവകി ദമ്പതികളുടെ മകന്‍ കെ വി ഉണ്ണി (58)യെയാണ് തൂങ്ങിമരിച്ച നിലയില്‍ കണ്ടെത്തിയത്. ചൊവ്വാഴ്ച വൈകിട്ട് അഞ്ചു മണിയോടെയാണ് സംഭവം. ഭാര്യ ഗിരിജയും മക്കളും ബന്ധു വീട്ടില്‍ സമയത്താണ് സംഭവം.

തറവാട് വീട്ടില്‍ പുത്തരി അടിയന്തിരം ഉണ്ടായിരുന്നു. അടിയന്തിരത്തിന് ഉണ്ണിയെ കാണാത്തതിനെ തുടര്‍ന്ന് ബന്ധുക്കള്‍ അന്വേഷിച്ചെത്തിയപ്പോഴാണ് തൂങ്ങിയ നിലയില്‍ കണ്ടത്. കാഴ്ച ശക്തി കുറവായതിനാല്‍ ചികിത്സയിലായിരുന്നു. ഇതുമായി ബന്ധപ്പെട്ട് മാനസികമായി തളര്‍ന്നിരിക്കുകയായിരുന്നു ഉണ്ണിയെന്ന് ബന്ധുക്കള്‍ പറഞ്ഞു.

മക്കള്‍: ഷാജി (ചുമട്ടുതൊഴിലാളി, പെരിയ), സനീഷ്, ഷൈമ. മരുമകന്‍: കൃഷ്ണന്‍ പെരുവണ്ണാന്‍, ഉദയന്‍, കമലാക്ഷി, ലത.