സ­ഹോ­ദ­രി­യു­ടെ കല്ല്യാണം­ക്ഷ­ണി­ക്കാന്‍ പോ­വു­ക­യാ­യി­രു­ന്ന യു­വാ­വ് ലോറി തട്ടി മ­രിച്ചു

Abdul Razak

കാസര്‍കോട്: സഹോദരിയുടെ കല്ല്യാണം ക്ഷണിക്കാന്‍ പോവുകയായിരുന്ന യുവാവ് മീന്‍വണ്ടിയിടിച്ച് മരിച്ചു. കുമ്പള ബംബ്രാണ സിദ്ദീഖ് മന്‍സിലിലെ അബ്ദുര്‍ റസാഖാ(32)ണ് മരിച്ചത്. ഞായറാഴ്ച ഉച്ചയ്ക്ക് അടുക്കത്ത്ബയല്‍ താളിപ്പടുപ്പ് മൈതാനത്തിനടുത്തായിരുന്നു അപകടം.

ഫെബ്രുവരി 24 ന് നടക്കാനിരിക്കുന്ന സഹോദരിയുടെ വിവാഹം ക്ഷണിക്കാന്‍ കാസര്‍കോട് ഭാഗത്തേക്ക് പോവുകയായിരുന്നു അബ്ദുര്‍ റസാഖ്. റസാഖ് സഞ്ചരിച്ചിരുന്ന കെ.എല്‍. 14 എച്ച്. 322 ബുള്ളറ്റ് ബൈക്കിന് പിറകില്‍ മംഗലാപുരത്ത് നിന്നും കാസര്‍കോട് ഭാഗത്തേക്ക് വരികയായിരുന്ന കെ.എല്‍.14 എ.എഫ്. 7290 മീന്‍ വണ്ടി ഇടിക്കുകയായിരുന്നു. ഇടിയുടെ ആഘാതത്തില്‍ ദൂരേക്ക് തെറിച്ചുവീണ റസാഖ് തല്‍ക്ഷണം മരിച്ചു. മൃതദേഹം ചിന്നിച്ചിതറിയ നിലയിലാണ്. മൃതദേഹം കാസര്‍കോട് ജനറല്‍ ആശുപത്രിയിലേക്ക് മാറ്റി. സഹോദരി റുഖ്‌സാനയും ഉപ്പള കൈക്കമ്പയിലെ സാദിഖും തമ്മിലുള്ള വിവാഹം നടക്കാനിരിക്കെയാണ് സഹോദരന്‍ റസാഖിന്റെ ദാരുണമായ അന്ത്യം.

മുന്‍ കുമ്പള പഞ്ചായത്ത് പ്രസിഡന്റ് എം.പി.മുഹമ്മദിന്റെയും ഫാത്തിമയുടെയും മകനാണ്. ഭാര്യ: സക്കീന എന്ന റാഇസ. മക്കള്‍: മിസ്ബാഹ്(യു.കെ.ജി വിദ്യാര്‍ഥി), മിസ്അബ്(രണ്ടര), ഫാത്തിമ(ആറുമാസം). സഹോദരങ്ങള്‍: മൈമുന, സക്കീന, റുഖ്‌സാന, സുമയ്യ.