സണ്‍ഷെയ്ഡ് തകര്‍ന്നുവീണ് യുവാവ് മരിച്ചു

പുതിയകോട്ടയിലെ വ്യാപാരി അബ്ബ എന്ന് വിളിക്കുന്ന അബ്ദുര്‍ റഹ്മാന്റെ വീടിന്റെ നിര്‍മാണത്തിനിടയിലാണ് ദുരന്തമുണ്ടായത്. രാ വിലെ ജോലിക്കെത്തിയ ഇല്ല്യാസ് സണ്‍ഷെയ്ഡിന്റെ പലക ഇളക്കിയെടുക്കുന്നതിനിടയില്‍ കോണ്‍ക്രീറ്റ് സണ്‍ ഷെയ്ഡ് തകര്‍ന്ന് ദേഹത്ത് പതിക്കുകയായിരുന്നു. തലക്കും ശരീരത്തിന്റെ പല ഭാഗങ്ങളിലും സാരമായി ക്ഷതമേറ്റ ഇല്ല്യാസിനെ പരിസരവാസികളും മറ്റ് തൊഴിലാളികളും ചേര്‍ന്ന് നഗരത്തിലെ സ്വകാര്യാശുപത്രിയില്‍ എത്തിച്ചെങ്കിലും വഴിമധ്യേ മരണം
സംഭവിച്ചിരുന്നു.

രണ്ടുവര്‍ഷം മുമ്പാണ് ഇല്ല്യാസ് കെട്ടിട നിര്‍മാണ ജോലിക്ക് കാഞ്ഞങ്ങാട്ടെത്തിയത്. ഒന്നര വര്‍ഷം മുമ്പ് പള്ളിക്കര ബിലാല്‍ നഗറിലെ മുഹമ്മദ്-ആഇഷ ദമ്പതികളുടെ മകള്‍ ഫാത്തിമയെ വിവാഹം കഴിച്ചതിന് ശേഷം പള്ളിക്കരയിലാണ് സ്ഥിരതാമസം.