ഒറ്റക്കു താമസിക്കുന്ന വയോധികന്‍ മരിച്ചത് ആരും അറിഞ്ഞില്ല; വിവരം പുറത്തു വന്നത് രണ്ടു ദിവസത്തിനു ശേഷം, മൃതദേഹം വളര്‍ത്തു നായ്ക്കള്‍ ഭക്ഷിച്ചു

By Web Desk - MainMay 23, 2018, 11:14 IST

തിരുവനന്തപുരം: (www.kasargodvartha.com 23.05.2018) ഒറ്റക്കു താമസിക്കുന്ന വയോധികന്‍ വീട്ടില്‍ മരിച്ചു. രണ്ടു ദിവസത്തിനു ശേഷമാണ് മരണവിവരം നാട്ടിലറിഞ്ഞത്. മൃതദേഹത്തിന്റെ പല ഭാഗങ്ങളും വളര്‍ത്തു നായ്ക്കള്‍ ഭക്ഷണമാക്കി. കല്ലറ വെള്ളംകുടി തടത്തരികത്തു വീട്ടില്‍ രംഗനാഥ നാശാരി (86)യാണ് മരണപ്പെട്ടത്. മൃതദേഹത്തിന് രണ്ടു ദിവസത്തെ പഴക്കമുണ്ടെന്ന് പോലീസ് പറഞ്ഞു.

അടുത്ത ബന്ധുക്കളാരുമില്ലാത്ത രംഗനാഥനാശാരി ആറു വര്‍ഷമായി ഒറ്റയ്ക്കാണു താമസം. ഒന്നിലേറെ വളര്‍ത്തു നായ്ക്കുളും രംഗനാഥ നാശാരിക്കുണ്ടായിരുന്നില്ല. ഒറ്റയ്ക്ക് തന്നെ ജീവിതം മുന്നോട്ട് നയിച്ചുവന്നിരുന്നതിനാല്‍ മരണപ്പെട്ട സംഭവം ആരും അറിയാതെ പോവുകയായിരുന്നുവെന്ന് നാട്ടുകാര്‍ പറയുന്നു.