അസുഖത്തെ തുടര്‍ന്ന് ചികിത്സയിലായിരുന്ന മത്സ്യത്തൊഴിലാളി മരിച്ചു

മൊഗ്രാല്‍: (www.kasargodvartha.com 09.03.2019) അസുഖത്തെ തുടര്‍ന്ന് ചികിത്സയിലായിരുന്ന മത്സ്യത്തൊഴിലാളി മരിച്ചു. കെ കെ പുറത്തെ അബ്ദുര്‍ റഹ് മാന്‍ (50) ആണ് മരിച്ചത്. ശനിയാഴ്ച പുലര്‍ച്ചെയായിരുന്നു അന്ത്യം. നല്ലൊരു പാചകക്കാരന്‍ കൂടിയായിരുന്നു. പരേതനായ കെ കെ പുറം മമ്മി - ബീഫാത്വിമ ദമ്പതികളുടെ മകനാണ്.

ഭാര്യ: ജമീല. മക്കള്‍: ഷഹന, ശബാന, ജസീന, സാബിത്ത്, ശുഐബ് (വിദ്യാര്‍ത്ഥികള്‍). സഹോദരങ്ങള്‍: പരേതനായ അസീസ്, മുഹമ്മദ് കുഞ്ഞി, അബ്ദുല്‍ ഖാദര്‍, ആരിഫ്, അലി, സിദ്ദീഖ്. മൃതദേഹം മൊഗ്രാല്‍ കടപ്പുറം വലിയ ജുമാമസ്ജിദ് ഖബര്‍സ്ഥാനില്‍ ഖബറടക്കി. അബ്ദുര്‍ റഹ് മാന്റെ നിര്യാണത്തില്‍ കെ കെ പുറം പ്രിയദര്‍ശിനി ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബും, എം സി അബ്ദുല്‍ ഖാദര്‍ ഹാജി ചാരിറ്റബിള്‍ ട്രസ്റ്റും അനുശോചിച്ചു.