Merchant Died | ട്രെയിൻ യാത്രയ്ക്കിടെ തെറിച്ചുവീണ് പരിക്കേറ്റ വ്യാപാരി നേതാവ് മരിച്ചു

കാഞ്ഞങ്ങാട്: (www.kasargodvartha.com) കോട്ടയത്ത് നിന്ന് കാഞ്ഞങ്ങാട്ടേക്കുളള യാത്രയ്ക്കിടെ ട്രെയിനിൽ നിന്നും തെറിച്ചുവീണ് പരിക്കേറ്റ വ്യാപാരി നേതാവ് മരിച്ചു. വ്യാപാരി വ്യവസായി ഏകോപന സമിതി മാലക്കല്ല് യൂണിറ്റ് പ്രസിഡണ്ടും യാദവസഭ വെള്ളരിക്കുണ്ട് താലൂക് സെക്രടറിയുമായ കോളിച്ചാൽ എരിഞ്ഞിലംകോട്ടെ കെകെ സന്തോഷ് കുമാർ (48) ആണ് മരിച്ചത്.
  
സുഹൃത്ത് സജിയുടെ ഭാര്യാമാതാവിന്റെ മരണാനന്തര ചടങ്ങുകളിൽ പങ്കെടുത്ത് കോട്ടയത്ത് നിന്ന് തിരിച്ചുവരുമ്പോൾ വെള്ളിയാഴ്ച പുലർചെയാണ് സന്തോഷ് കുമാർ അപകടത്തിൽപ്പെട്ടത്. ഗുരുതരമായി പരിക്കേറ്റ് തൃശൂർ മെഡികൽ കോളജ് ആശുപത്രിയിൽ ചികിത്സയ്ക്കിടെ ശനിയാഴ്ച രാവിലെ ആറ് മണിയോടെയാണ് മരണപ്പെട്ടത്.