കാറിടിച്ച് വഴിയാത്രക്കാരന്‍ മരിച്ചു

By Web Desk - MainDec 4, 2018, 13:19 IST

കാസര്‍കോട്: (www.kasargodvartha.com 04.12.2018) കാറിടിച്ച് വഴിയാത്രക്കാരന്‍ മരിച്ചു. അണങ്കൂര്‍ പച്ചക്കാട്ടെ നാരായണന്‍ (60) ആണ് മരിച്ചത്. ചൊവ്വാഴ്ച രാവിലെ ചെട്ടുംകുഴിയിലാണ് അപകടമുണ്ടായത്. ആശാരിയായ നാരായണന്‍ വീട്ടില്‍ നിന്നും ജോലി സ്ഥലത്തേക്ക് പോകാനായി ബസിറങ്ങി നടന്നുപോവുന്നതിനിടെയാണ് കാറിടിച്ചത്. ഉടന്‍ തന്നെ കാസര്‍കോട്ടെ സ്വകാര്യാശുപത്രിയിലെത്തിച്ചെങ്കിലും ഉച്ചയോടെ മരണം സംഭവിച്ചു.

ഭാര്യ: ഗായത്രി. മക്കള്‍: ഗാനശ്രീ (കോളജ് അധ്യാപിക), ബീനശ്രീ, മീനാക്ഷി. മരുമകന്‍: വിപിന്‍. ആശാരിയാണ്. കാസര്‍കോട് ഗവ. കോളജിലെ അധ്യാപകന്‍ ഓടിച്ചുപോവുകയായിരുന്ന കാറിടിച്ചാണ് അപകടമുണ്ടായത്.