പുഴയില്‍ ചാടിയ കമിതാക്കളുടെ മൃതദേഹങ്ങള്‍ കണ്ടെത്തി

Manu and Daniya

ചെറുവത്തൂര്‍: കാര്യങ്കോട് പുഴയില്‍ ചാടി ജീവനൊടുക്കിയ കമിതാക്കളുടെ മൃതദേഹങ്ങള്‍ കണ്ടെത്തി. വ്യാഴാഴ്ച പുലര്‍ച്ചെ നാല് മണിക്ക് റെയില്‍പാലത്തില്‍ നിന്ന് പുഴയിലേക്ക് ചാടിയ ഇരുവരുടെയും മൃതദേഹങ്ങള്‍ വൈകിട്ട് ആറ് മണിയോടെയാണ് കണ്ടെത്തിയത്.

ചെറുപുഴ പാടിയോട്ടുചാല്‍ ഗോപിയുടെ മകന്‍ മനു(30), കാമുകി പരപ്പ കനകപ്പള്ളി സ്വദേശിനി ഡാനിയ(22)യുമാണ് പുഴയില്‍ കാണാതായത്. ഇവര്‍ക്ക് വേണ്ടി പോലീസും ഫയര്‍ഫോഴ്‌സും നാട്ടുകാരും ചേര്‍ന്ന് പുലര്‍ച്ചെ മുതല്‍ തിരച്ചില്‍ നടത്തിവരികയായിരുന്നു. ചൂരിദാര്‍ ഷാള്‍ കൊണ്ട് ഇരുവരുടെയും കൈകള്‍ കെട്ടിയിട്ട നിലയിലായിരുന്നു. മൃതദേഹം പോസ്റ്റ്‌മോര്‍ട്ടത്തിന് പരിയാരം മെഡിക്കല്‍ കോളജിലേക്ക് മാറ്റി.