വീടിനു മുകളില്‍ മണ്ണിടിഞ്ഞുവീണ് രണ്ടുപേര്‍ മരിച്ചു

ദേലമ്പാടി: വീടിനു മുകളില്‍ മണ്ണിടിഞ്ഞുവീണ് രണ്ടുപേര്‍ മരിച്ചു. പള്ളങ്കോട്  മോരങ്കാനത്തെ അബ്ദുല്‍ ഖാദറിന്റെ ഭാര്യ അസ്മ(37), അബ്ദുല്‍ ഖാദറിന്റെ സഹോദരന്‍ ഇബ്രാഹിം-ആമിന ദമ്പതികളുടെ മകന്‍ മുബിന്‍ (12) എന്നിവരാണ് മരിച്ചത്.

Mubin

തിങ്കളാഴ്ച വൈകിട്ട് 6.30 മണിയോടെ വീടിന്റെ പിന്‍വശത്തുക്കൂടി കുളിമുറിയിലെക്ക് പോവുകയായിരുന്ന ഇവരുടെ ശരീരത്തിലേക്ക് മണ്ണ് ഇടിഞ്ഞു വീഴുകയായിരുന്നു. വിവരമറിഞ്ഞതിനെ തുടര്‍ന്ന് കുറ്റിക്കോലില്‍ നിന്നും ആദൂരില്‍ നിന്നുമെത്തിയ ഫയര്‍ഫോഴസും നാട്ടുകാരും പൊലീസും ചേര്‍ന്ന് രക്ഷാപ്രവര്‍ത്തനം നടത്തിയെങ്കിലും പ്രതികൂല കാലാവസ്ഥമൂലം ഫലമുണ്ടായില്ല.

പിന്നീട് ജെസിബി ഉപയോഗിച്ചു മണ്ണു മാറ്റുന്നതിനിടെ രാത്രി 9.30ഓടെ അസ്മയുടെയും തുടര്‍ന്നു മുബീന്റെയും മൃതദേഹങ്ങള്‍ കണ്ടെത്തുകയായിരുന്നു.

ഖസമുദ്ദീന്‍, ജസീല്‍, ഖമറുന്നീസ, നൂറുന്നീസ എന്നിവരാണ് മരിച്ച അസ്മയുടെ മക്കള്‍. മുജീബ, മുനീബ്, എന്നിവരാണ് മുബീന്റെ സഹോദരങ്ങള്‍.

ഇരുവരുടെയും മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയില്‍.

Asma

( updated)