കുമ്പള റെയിൽവേ സ്റ്റേഷന് സമീപം ട്രെയിൻ തട്ടി മരിച്ചത് പെർള സ്വദേശി: മൃതദേഹം തിരിച്ചറിഞ്ഞു

കുമ്പള: (KasargodVartha) കുമ്പള റെയിൽവേ സ്റ്റേഷന് സമീപം ട്രെയിൻ തട്ടി മരിച്ച നിലയിൽ കണ്ടെത്തിയ വ്യക്തിയെ തിരിച്ചറിഞ്ഞു. പെർള കാട്ടുകുക്കെ സ്വദേശിയാണ് മരിച്ചതെന്ന് പോലീസ് അറിയിച്ചു.

മൃതദേഹത്തിൽ നിന്ന് ലഭിച്ച എടിഎം കാർഡിന്റെ അടിസ്ഥാനത്തിൽ നടത്തിയ അന്വേഷണത്തിലൂടെയാണ് മരിച്ചത് പരേതനായ സീനപ്പ റായിയുടെ മകൻ താരാനാഥ് റായ് (46) യെന്ന് തിരിച്ചറിഞ്ഞത്.

ഓട്ടോറിക്ഷ ഡ്രൈവറായ താരാനാഥ് റായ് സൗമ്യനും എല്ലാവരുമായി സൗഹൃദം പുലർത്തുന്നയാളുമായിരുന്നു. സാമ്പത്തികപരമായോ മറ്റോ പ്രശ്‌നങ്ങളൊന്നും ഉണ്ടായിരുന്നില്ലെന്നാണ് പ്രാഥമിക അന്വേഷണത്തിൽ നിന്നുള്ള വിവരം.

മാതാവ്: ലീലാവതി. ഭാര്യ: സുജാത. മക്കൾ: മാൻവി, സാംനവി. സഹോദരങ്ങൾ: ഹരിപ്രസാദ് റായ്, രഞ്ജിനി. മൃതദേഹം നിലവിൽ കാസർകോട് ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

ഈ വർത്തയെക്കുറിച്ച് നിങ്ങളുടെ അഭിപ്രായം പങ്കുവെക്കുക.

Article Summary: Perla native Taranath Rai identified after being killed by a train near Kumbala Railway Station.

#Kumbala #TrainAccident #Kasaragod #TaranathRai #Perla #KeralaNews