Traders's Death | ഒരു മാസത്തിനിടെ കുമ്പളയ്ക്ക് നഷ്ടപ്പെട്ടത് 2 യുവ വ്യാപാരികളെ; ആകസ്മിക മരണങ്ങളുടെ ഞെട്ടലില്‍ നാട്

കുമ്പള: (www.kasargodvartha.com) ഒന്നിന് പിറകെ ഒന്നായി യുവാക്കളുടെ മരണം കുമ്പളയ്ക്ക് തേങ്ങലായി. രണ്ട് യുവവ്യാപാരികളെയാണ് ഒരുമാസത്തിനിടെ കുമ്പളയ്ക്ക് നഷ്ടപ്പെട്ടത്. കുമ്പള മീപ്പിരി സെന്ററിലെ വ്യാപാരിയായിരുന്ന ആരിക്കാടി ബന്നങ്കുളം സ്വദേശി ഹാരിസ് കഴിഞ്ഞ ഏതാനും ദിവസം മുമ്പാണ് ഹൃദയാഘാതത്തെതുടര്‍ന്ന് മരിച്ചത്.
           
പിന്നാലെ കുമ്പളയില്‍ മൊബൈല്‍ ഫോണ്‍ കട നടത്തിവരികയായിരുന്ന കൊടിയമ്മ ജീലാനി നഗറിലെ അഹ്മദ് സിനാന്‍ ഞായറാഴ്ച മുങ്ങിമരിച്ചത് വ്യാപാരികളെ ഒന്നടങ്കം ദുഃഖത്തിലാഴ്ത്തി. സിനാന്റെ നിര്യാണത്തില്‍ അനുശോചിച്ച് ആദര സൂചകമായി തിങ്കളാഴ്ച കുമ്പളയില്‍ മൊബൈല്‍ ഫോണ്‍ വ്യാപാരികള്‍ കടകളടച്ച് ഹര്‍ത്താല്‍ ആചരിക്കുന്നു. < !- START disable copy paste -->