ബാഗ്ദാദില്‍ സിയാറത്തിന് പുറപ്പെട്ട കാസര്‍കോട് സ്വദേശി മരണപ്പെട്ടു

കാസര്‍കോട്: ബാഗ്ദാദിലേക്ക് സിയാറത്തിനായി പുറപ്പെട്ട കാസര്‍കോട് സ്വദേശി മരണപ്പെട്ടതായി ബന്ധുക്കള്‍ക്ക് വിവരം ലഭിച്ചു. വിദ്യാനഗര്‍ കോപ്പ സി.എം. ബാദിലെ ദാറുല്‍ നാഫിഹ് മന്‍സിലിലെ പരേതരായ ഇബ്രാഹിം - ഫാത്വിമ ദമ്പതികളുടെ മകന്‍ കെ.ഐ.എ റൗഫ് ഹാജി (50) ആണ് മരിച്ചത്.

ഇക്കഴിഞ്ഞ ബുധനാഴ്ചയാണ് 21 ദിവസത്തെ ടൂര്‍ പാക്കേജില്‍ സിയാത്തിനായി ഇറാഖിലേക്ക് പോയത്. ബാഗ്ദാദ്, ബസറ കൂഫയില്‍ വെച്ചാണ് മരണം സംഭവിച്ചത്. ഹൃദയാഘാതം മൂലമാണ് മരണം സംഭവിച്ചതെന്നാണ് ബന്ധുക്കള്‍ക്ക് ലഭിച്ചിരിക്കുന്ന വിവരം.

ഭാര്യ: ആഇശ പട്ട്ള മക്കള്‍: നൗഫല്‍, നാഫിഹ്, നാസര്‍ (മൂവരും ദുബൈ). നസറുല്‍, നൂഇമാന്‍, നുസൈബ. മരുമക്കള്‍: ഹമീദ്, റിംഷീന. സഹോദരങ്ങള്‍: ഗഫൂര്‍ ഹാജി, അബ്ദുല്‍ സമദ്, മുഹമ്മദ്കുഞ്ഞി, ഖദീജ, മറിയ, സുഹറ. മൃതദേഹം നാട്ടിലെത്തിക്കാനുള്ള ശ്രമങ്ങള്‍ ബന്ധുക്കള്‍ ആരംഭിച്ചിട്ടുണ്ട്.