ബംഗളൂരുവില്‍ വ്യാപാരിയായ കാസര്‍കോട് സ്വദേശി ഹൃദയാഘാതംമൂലം മരിച്ചു

കാസര്‍കോട്: (www.kasargodvartha.com 04.01.2020) ബംഗളൂരുവില്‍ വ്യാപാരിയായ കാസര്‍കോട് സ്വദേശി ഹൃദയാഘാതംമൂലം മരിച്ചു. ചെര്‍ക്കള കുന്നില്‍ മൊയ്തുട്ടിയുടെ മകന്‍ അബൂബക്കര്‍ (50) ആണ് മരിച്ചത്. വെള്ളിയാഴ്ച രാത്രി ഭക്ഷണം കഴിച്ച് ഉറങ്ങാന്‍ കിടന്നതായിരുന്നു. രാവിലെ കടയിലെത്താത്തതിനാല്‍ ജീവനക്കാര്‍ മുറിയില്‍ ചെന്ന് നോക്കിയപ്പോഴാണ് അബൂബക്കറിനെ മരിച്ച നിലയില്‍ കണ്ടെത്തിയത്.

അണങ്കൂര്‍ ടി വി സ്റ്റേഷന്‍ റോഡിലെ ഗ്രീന്‍പാര്‍ക്ക് ഫ്‌ളാറ്റില്‍ ദീര്‍ഘകാലമായി താമസിച്ചുവന്നിരുന്ന അബൂബക്കറും കുടുംബവും അടുത്തിടെയാണ് വ്യാപാരാവശ്യത്തിനായി ബംഗളൂരുവിലേക്ക് പോയത്. ഭാര്യ: ഷബീബ. മക്കള്‍: നിഹാദ്, നിസ, നുഹ, നൗഫ.