കാസര്‍കോട് സ്വദേശി ചെന്നൈയില്‍ ഹൃദയാഘാതം മൂലം മരിച്ചു

By Web Desk - MainMar 26, 2019, 16:56 IST

കാഞ്ഞങ്ങാട്: (www.kasargodvartha.com 26.03.2019) കാസര്‍കോട് സ്വദേശി ചെന്നൈയില്‍ ഹൃദയാഘാതം മൂലം മരിച്ചു. കാഞ്ഞങ്ങാട് സൗത്തിലെ പരേതരായ കുഞ്ഞിരാമന്‍-ജാനകി ദമ്പതികളുടെ മകന്‍ നക്ഷത്ര രാജേഷാണ് ചെന്നൈയിലെ സ്വകാര്യ ആശുപത്രിയില്‍ ചികിത്സക്കിടെ മരണപ്പെട്ടത്. തിങ്കളാഴ്ച രാത്രി നെഞ്ചുവേദന അനുഭവപ്പെട്ട രാജേഷിനെ ചെന്നൈയിലെ സ്വകാര്യ ആശുപത്രിയിലെ അത്യാസന്ന വിഭാഗത്തില്‍ പ്രവേശിപ്പിക്കുകയായിരുന്നു.

ചികിത്സക്കിടയില്‍ ചൊവ്വാഴ്ച രാവിലെയാണ് മരണം സംഭവിച്ചത്. ചെന്നൈയിലെ നൃത്താധ്യാപിക ലേഖയാണ് ഭാര്യ. ഏകമകള്‍: നക്ഷത്ര. സഹോദരി: രമ.