രണ്ടര വയസ്സുകാരനെ കുളത്തിൽ മരിച്ച നിലയിൽ കണ്ടെത്തി; നാടിനെ കണ്ണീരിലാഴ്ത്തി ദേവാംഗിന്റെ വേര്‍പാട്

കാസർകോട്: (KasargodVartha) കാറഡുക്ക പഞ്ചായത്തിലെ കാർളെയിൽ രണ്ടര വയസ്സുകാരനെ കുളത്തിൽ വീണ് മരിച്ച നിലയിൽ കണ്ടെത്തി. കാർളെയിലെ രോഹിത് ഷെട്ടി-ദിവ്യ ദമ്പതികളുടെ മകൻ ദേവാംഗ് ആണ് മരിച്ചത്.

കളിച്ചുകൊണ്ടിരിക്കെ കാണാതായി

2026 മേയ് 29 വെള്ളിയാഴ്ച വൈകുന്നേരം വീട്ടുമുറ്റത്ത് കളിച്ചുകൊണ്ടിരുന്ന ദേവാംഗിനെ കാണാതായതിനെ തുടർന്ന് വീട്ടുകാരും നാട്ടുകാരും ചേർന്ന് നടത്തിയ തിരച്ചിലിനിടെയാണ് സമീപത്തെ കവുങ്ങിൻ തോട്ടത്തിലെ ചുറ്റുമതിലില്ലാത്ത കുളത്തിൽ കുട്ടിയെ കണ്ടെത്തിയത്. പുറത്തെടുത്ത് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

കളിക്കുന്നതിനിടെ അബദ്ധത്തിൽ കുളത്തിന് സമീപത്തേക്ക് എത്തി വെള്ളത്തിൽ വീണതാകാമെന്നാണ് പോലീസിൻ്റെ പ്രാഥമിക നിഗമനം. സംഭവത്തെ തുടർന്ന് ആദൂർ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. വൈകിട്ട് അഞ്ചരയ്ക്കും ആറ് മണിക്കും ഇടയിൽ വീട്ടിനുസമീപത്തെ തോട്ടത്തിലെ കുളത്തിൽ വീണ് കുട്ടി മരിച്ചതായാണ് പോലീസ് റിപ്പോർട്ട്.

നാടിനെയാകെ കണ്ണീരിലാഴ്ത്തിയിരിക്കുകയാണ് ദേവാംഗിന്‍റെ മരണം.ദേവാനുഷ് ആണ് സഹോദരൻ.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതൽ പ്രാദേശിക വാർത്തകൾ അറിയാൻ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. 

Article Summary: A 2.5-year-old boy named Devang was found dead in a pond near his house in Karle, Kasaragod, prompting Adoor police to register a case of unnatural death.

#KasaragodNews #Karadka #ChildDeath #KeralaPolice #AdoorPolice #LocalNews